شام میں اسرائیلی در اندازی کا سلسلہ جاری 

?️ 19 فروری 2026

شام میں اسرائیلی در اندازی کا سلسلہ جاری

شامی ذرائع کے مطابق اسرائیلی فوج نے ایک بار پھر شامی سرزمین میں داخل ہو کر ملکی خودمختاری اور علاقائی سالمیت کی خلاف ورزی کی ہے۔ یہ کارروائی ایسے وقت میں سامنے آئی ہے جب مقامی ذرائع حکومت کی خاموشی کی جانب اشارہ کر رہے ہیں۔

رپورٹ کے مطابق آج بدھ کے روز اسرائیلی فوجی گشتی دستہ، جو سات فوجی گاڑیوں پر مشتمل تھا، صوبہ درعا کے مغربی نواحی علاقے میں واقع گاؤں المسرتیہ کی جانب پیش قدمی کرتا دیکھا گیا۔

اس سے قبل بھی جنوبی شام خصوصاً قنیطرہ کے نواح میں اسرائیلی کارروائیوں میں اضافے کی اطلاعات سامنے آتی رہی ہیں۔ شامی ذرائع کا کہنا ہے کہ سرحدی علاقوں میں دراندازی کے ساتھ ساتھ بعض شہریوں کو حراست میں لینے یا اغوا کیے جانے کے واقعات بھی رپورٹ ہوئے ہیں۔

تاحال اسرائیلی حکام کی جانب سے اس تازہ پیش رفت پر کوئی باضابطہ بیان سامنے نہیں آیا، جبکہ علاقائی کشیدگی کے تناظر میں اس طرح کے واقعات خطے کی سلامتی کے لیے تشویش کا باعث سمجھے جا رہے ہیں