سعودی عرب کا منسوغ نہیں ہوا:بائیڈن

?️ 7 جون 2022

سچ خبریں:امریکی صدر نے یہ اعلان کرتے ہوئے کہ وہ ممکنہ طور پر مستقبل قریب میں مشرق وسطیٰ کا دورہ کریں گے جس میں صیہونی حکومت اور بعض عرب ممالک کے رہنماؤں سے ملاقات کریں گے، کہا کہ سعودی عرب کا دورہ خارج از امکان نہیں ہے۔
الجزیرہ چینل کی رپورٹ کے مطابق امریکی صدر جو بائیڈن نے یوکرین میں پیش آنے والی صورتحال کا حوالہ دیتے ہوئے کہا کہ یوکرین کے خلاف پیوٹن کی جنگ نے اشیاء کی قیمتوں کو بڑھا دیا ہے اور یوکرین سے اناج کی برآمدات کو روک دیا ہے جبکہ یوکرین کے پاس 20 ملین ٹن اناج ہے جسے وہ پابندیوں کی وجہ سے برآمد نہیں کر سکتا۔

انہوں نے کہا کہ امریکہ میں کچھ خاندان اب بھی ڈکٹیٹر (پیوٹن) کے اقدامات اور توانائی کے شعبے پر اس کے تسلط سے متاثر ہیں، بائڈن نے کہا کہ یہ ممکن ہے کہ میں مشرق وسطیٰ کا سفر کروں لیکن اس وقت میرا براہ راست سعودی عرب جانے کا کوئی منصوبہ نہیں ہے حالانکہ اس ملک کے سفر کے امکان کو رد نہیں کیا جاتا۔

امریکی صدر نے کہا کہ مشرق وسطیٰ کے اپنے سفر کے دوران میں ممکنہ طور پر اسرائیلی اور بعض عرب ممالک کے رہنماؤں سے ملاقات کروں گا،انہوں نے کہا کہ اوپک کی جانب سے تیل کی پیداوار میں اضافے کا اعلان ایک مثبت قدم ہے لیکن مجھے یقین نہیں ہے کہ یہ کافی ہو گا۔