سعودی شہریوں کی گرفتاریوں کا سلسلہ جاری

?️ 9 اکتوبر 2022

سچ خبریں:سعودی عرب کے خبر رساں ذرائع نے گزشتہ دنوں اس ملک کے مشرقی علاقوں میں آل سعود کی جابرانہ تحریکوں میں شدت آنے کا انکشاف کیا ہے۔

العہدالجدید نیوز ایجنسی نے سعودی عرب کے مشرقی علاقوں کے باشندوں کے خلاف آل سعود کے جابرانہ اقدامات میں شدت آنے کا انکشاف کرتے ہوئے لکھا کہ ان علاقوں میں گزشتہ چند دنوں کے دوران 48 سے زائد افراد کو گرفتار کیا گیا ہے، جن میں اکثریت طلباء اور طالبات اوردینی علماء کی ہے۔

یاد رہے کہ یہ اقدام ایسے وقت میں ہوا ہے جب حال ہی میں مشہور عالم دین عواض القرنی کے بیٹے ناصر القرنی نے کہا تھا کہ انہیں سعودی حکام کی طرف سے دھمکیاں دی گئی ہیں،انہوں نے کہا کہ ان کی جان کو خطرہ ہے اور حکام نے ان کے والد کی رہائی کی درخواست کے بعد انہیں جیل یا پھانسی کی شدید دھمکیاں دی ہیں۔

قابل ذکر ہے کہ وِدآؤٹ بارڈرز رپورٹرز تنظیم کا کہنا ہے سعودی عرب میں اب بھی کم از کم 32 صحافی نظر بند ہیں جو سعودی حکام کے ناروا سلوک کا شکار ہیں، اس کے علاوہ سعودی حکومت کسی بھی ایسے میڈیا کو بلاک کرتی رہتی ہے جو اس سے براہ راست وابستہ نہیں ہے اور ویب سائٹس پر پابندیاں عائد کرتی ہے،یاد رہے کہ اس تنظیم کی جانب سے حال ہی میں دنیا کے 180 ممالک میں میڈیا کی حالت کا جائزہ لیا گیا جس کے مطابق سعودی سب سے کم 170 ویں نمبر پر آیا۔