سانحہ میناب کے حوالے سے امریکی اپنی شرمناک توجیہات سے بچ نہیں سکتے: اسماعیل بقائی

سچ خبریں:اسماعیل بقائی، ترجمان وزارت خارجہ ایران نے امریکی سینٹرل کمانڈ (سینٹ کوم) کے اس دعوے پر شدید ردعمل کا اظہار کیا ہے کہ میناب کے شجرہ طیبہ اسکول کو ایک میزائل سہولت کے قریب ہونے کی وجہ سے نشانہ بنایا گیا۔

ترجمان نے سوشل میڈیا پلیٹ فارم ایکس پر جاری اپنے بیان میں کہا کہ یہ امریکی دعویٰ مکمل طور پر بے بنیاد اور گمراہ کن ہے۔ انہوں نے اسے ایک واضح تحریف قرار دیتے ہوئے کہا کہ یہ 28 فروری کے میزائل حملوں کی حقیقی نوعیت کو چھپانے کی ناکام کوشش ہے، جس میں 170 سے زائد طلبہ اور اساتذہ شہید ہوئے۔

بقائی نے زور دیکر کہا کہ اسکول کے اوقات میں ایک فعال تعلیمی مرکز کو نشانہ بنانا بین الاقوامی انسانی قوانین کی سنگین خلاف ورزی اور جنگی جرم کی واضح مثال ہے۔ انہوں نے مزید کہا کہ اس مقام کی شہری حیثیت کو تکنیکی توجیہات اور الفاظ کی بازی سے نہیں چھپایا جا سکتا۔

انہوں نے مطالبہ کیا کہ اس تباہ کن حملے کے حکم دینے اور اسے انجام دینے والے امریکی فوجی کمانڈرز اور عہدیداروں کو بین الاقوامی قوانین کے تحت مکمل طور پر جوابدہ ٹھہرایا جائے اور ان کے خلاف مقدمہ چلایا جائے۔