روس کا آرمینیا کے ساتھ ٹرمپ روٹ پر مشاورت اور تعاون کے لیے آمادگی کا اعلان

?️ 16 دسمبر 2025

روس کا آرمینیا کے ساتھ ٹرمپ روٹ پر مشاورت اور تعاون کے لیے آمادگی کا اعلان

روسی وزارت خارجہ کے ایک اعلیٰ عہدیدار نے اعلان کیا ہے کہ روس آرمینیا کے ساتھ مجوزہ ’’ٹرمپ روٹ‘‘ منصوبے کے حوالے سے مشاورت اور تعاون کے لیے تیار ہے۔

روسی خبر رساں ادارے ریانووستی کو دیے گئے انٹرویو میں وزارت خارجہ کے چوتھے سی آئی ایس ڈپارٹمنٹ کے سربراہ میخائل کالوگین نے کہا کہ آرمینیا اور امریکہ کے درمیان اس منصوبے کی تفصیلات کو ابھی مزید جائزے کی ضرورت ہے، تاہم ماسکو اپنے آرمینی شراکت داروں کے ساتھ اس منصوبے کے خدوخال اور اس میں روس کی ممکنہ شمولیت پر بات چیت کے لیے تیار ہے۔ انہوں نے بتایا کہ اس مجوزہ سڑک کا ایک بڑا حصہ ایسے علاقے سے گزرتا ہے جو روسی سرحدی محافظوں کے کنٹرول میں ہے۔

یہ پیش رفت ایسے وقت سامنے آئی ہے جب 17 مرداد 1404 کو وائٹ ہاؤس میں ایک باضابطہ تقریب کے دوران آرمینیا کے وزیر اعظم نیکول پاشینیان اور آذربائیجان کے صدر الہام علییف نے امریکی صدر ڈونلڈ ٹرمپ کی موجودگی میں ایک امن معاہدے پر دستخط کیے، جس سے جنوبی قفقاز کے دونوں ممالک کے درمیان تین دہائیوں سے جاری تنازع کے خاتمے کی امید پیدا ہوئی ہے۔

اس معاہدے کا ایک اہم نکتہ ’’بین الاقوامی امن و خوشحالی کے لیے ٹرمپ روٹ‘‘ کے نام سے ایک راہداری کا قیام ہے جو آرمینیا کی سرزمین کے ذریعے نخجوان کو آذربائیجان سے ملائے گی۔ وائٹ ہاؤس کے مطابق یہ نیا ٹرانزٹ روٹ آرمینیا کی علاقائی سالمیت کو برقرار رکھتے ہوئے پائیدار ترقی، آزاد نقل و حمل اور علاقائی تعاون کو فروغ دے گا۔

امریکہ نے بھی اس منصوبے میں بنیادی ڈھانچے اور ٹیکنالوجی میں سرمایہ کاری کا اعلان کیا ہے جبکہ آرمینیا امریکہ کے ساتھ اس راہداری کی ترقی کے لیے طویل المدتی خصوصی تعاون پر آمادہ ہے، جو ممکنہ طور پر 99 سال تک جاری رہ سکتا ہے۔ بعض ماہرین کا خیال ہے کہ یہ معاہدہ خطے میں امریکی اثر و رسوخ کو مضبوط کرنے اور بحیرہ کیسپین تک رسائی کی کوشش کا حصہ ہے، جبکہ یہ خدشہ بھی ظاہر کیا جا رہا