روس میں داعشی خودکش حملہ آور گرفتار

?️ 22 اگست 2022

سچ خبریں:روس نے داعش کے ایک خودکش حملہ آوار کو گرفتار کر لیا جو حملے کی منصوبہ بندی کر رہا تھا۔
آرٹی انڈیا کی رپورٹ کے مطابق روسی سکیورٹی سروسز نے ایک مشتبہ شخص کی گرفتاری کا اعلان کیا جو مبینہ طور پر بھارتی حکمران حلقے کے ایک رکن کو نشانہ بنانے کی منصوبہ بندی کر رہا تھا، رپورٹ کے مطابق روسی سکیورٹی سروس نے یہ بھی اعلان کیا کہ یہ دہشت گرد ے اس دہشت گردانہ کارروائی کو انجام دینے کے لیے ہندوستان جانے والا تھا، یاد رہے کہ اس سال جون کے شروع میں، داعش دہشت گرد گروہ نے افغانستان کے دارالحکومت کابل میں سکھوں کے گورودوارے پر حملے کی ذمہ داری قبول کی تھی جس میں دو افراد ہلاک ہوئے تھے اور دعویٰ کیا تھا کہ یہ حملہ اسلامی مقدسات کی توہین کا جواب ہے۔

واضح رہے کہ یہ حملہ ہندو اور سکھ مذاہب کے پیروکاروں کی جانب سے منعقدہ ایک تقریب کے دوران کیا گیا تھا اور اس میں چار حملہ آوروں نے کابل کے ضلع پاروران میں ایک ہندو مندر میں خودکش کارروائی میں خود کو دھماکے سے اڑا لیا تھا اور مارے گئے تھے۔

یاد رہے کہ حملے سے پہلے کے دنوں میں ہندوستان کی حکمراں جماعت بھارتیہ جنتا پارٹی (بی جے پی) کے کچھ عہدہ داروں کے ہاتھوں مبینہ طور پر پیغمبر اسلام کی توہین کیے جانے کے خلاف مظاہروں کی ایک ویڈیو منظرعامم پر آئی جس میں مسلمان نظربندوں کے خلاف پولیس کی ہولناک بربریت کو دکھایا گیا تھا۔