روس،یوکرین مذاکرات کا حتمی مقصد جنگ بندی کا حصول ہے:ترکی وزیر خارجہ

فیدان: روس،یوکرین مذاکرات کا حتمی مقصد جنگ بندی کا حصول ہے:ترکی وزیر خارجہ

ترکی کے وزیر خارجہ ہاکان فیدان نے کہا ہے کہ روس اور یوکرین کے درمیان جاری مذاکرات کا حتمی مقصد جنگ بندی کا حصول ہے۔ انہوں نے یہ بات استنبول میں دونوں ممالک کے نمائندہ وفود کے اجلاس کے آغاز پر کہی۔

ہاکان فیدان کا کہنا تھا کہ ترکی دونوں فریقین کے درمیان ہونے والے معاہدوں کے مطابق اپنی ذمہ داریاں ادا کرنے کے لیے تیار ہے۔

انہوں نے مزید کہا کہ ترکی کو یہ جان کر خوشی ہوئی ہے کہ بین الاقوامی برادری نے روس-یوکرین کے درمیان گزشتہ دو مذاکراتی ادوار کے نتائج کو سنجیدگی سے لیا ہے۔

ترک وزیر خارجہ نے اس بات پر زور دیا کہ اگر یوکرین میں جنگ بندی طے پاتی ہے تو ترکی اس پر عملدرآمد کی نگرانی کی صلاحیت رکھتا ہے۔ ساتھ ہی انہوں نے یہ بھی کہا کہ ترکی روس اور یوکرین کے درمیان قیدیوں کے تبادلے میں بھی کردار ادا کر سکتا ہے۔ہاکان فیدان نے واضح کیا کہ مذاکرات کا اصل اور آخری مقصد جنگ کا خاتمہ اور پائیدار جنگ بندی کا قیام ہے۔