رام اللہ میں 2 فلسطینی نوجوان شہید

?️ 3 اکتوبر 2022

سچ خبریں:    فلسطینی ذرائع ابلاغ نے پیر کے روز اطلاع دی ہے کہ دو فلسطینی نوجوان خالد الدباس اور باسل باسبوس آج صبح رام اللہ کے جلزون کیمپ پر صیہونی حکومت کی افواج کے حملے کے دوران شہید ہو گئے۔

ان اطلاعات کے مطابق اس حملے میں ایک اور فلسطینی زخمی ہوا ہے جسے اسپتال لے جایا گیا ہے۔ صیہونی حکومت نے ان دو فلسطینی شہداء کے جسد خاکی کو حراست میں لے کر شہداء کے لواحقین کے حوالے کرنے سے انکار کر دیا ہے۔

اسرائیلی حکومت کی فلسطین دشمن پالیسیوں اور مقبوضہ علاقوں میں فلسطینیوں پر جبر اور قتل عام فلسطینیوں اور تل ابیب حکومت کے درمیان کشیدگی میں مسلسل اضافے کا باعث ہے اور ہر روز مغربی کنارے کا ایک گوشہ میدانِ جنگ بن رہا ہے۔
۱ قابضین اور مقبوضہ فلسطین کے اصل مالکان کے درمیان محاذ آرائی ہے اور صہیونی احتجاج کو دبانے کی کوشش کر رہے ہیں۔