خلیج فارس کے عرب ایران کے ساتھ تعلقات میں بہتری کے خواہاں:سی این این

?️ 24 اگست 2022

سچ خبریں:امریکی نیوز چینل نے خلیج فارس کی جنوبی سرحد کے عربوں کی اسلامی جمہوریہ ایران کے ساتھ تعلقات کو بہتر بنانے کی کوششوں پر گفتگو کرتے ہوئے لکھا ہے کہ عربوں نے تہران کے حوالے سے عملی پالیسی اپنائی ہے۔
امریکی نیوز چینل سی این این نے اپنی ایک رپورٹ میں خلیج فارس کی جنوبی سرحد کے عربوں کی اسلامی جمہوریہ ایران کے ساتھ تعلقات کو بہتر بنانے کی کوششوں کو سراہتے ہوئے لکھا ہے کہ خلیج فارس کے عرب ممالک نے ایران کے حوالے سے عملی پالیسی تیار کی ہے۔

سی این این نے اس بارے میں لکھا ہے کہ ایران کے ساتھ کشیدگی میں اضافے کے بعد خلیج فارس کے ممالک نے محسوس کیا کہ امریکہ ان کی مدد کرنے کے بجائے کنارے پر کھڑا ہے یا ان کی مدد کے لیے تیار نہیں یا کر نہیں سکتا ہے جبکہ ایران کے ساتھ ان کے رابطوں کی لائنیں بند ہو گئی ہیں اور تعلقات مکمل طور پر منقطع ہو چکے ہیں لیکن اب بہت کچھ بدل گیا ہے۔

اس رپورٹ کے مطابق متحدہ عرب امارات اریران کے ساتھ اپنے سفارتی تعلقات کو اعلیٰ سطح پر بحال کرنے جا رہا ہے ،اس نے اتوار کو اعلان کیا ہے کہ اس ملک کے سفیر سیف محمد الذابی آنے والے دنوں میں تہران واپس جائیں گے، کویت نے بھی گزشتہ ہفتے اپنا سفیر واپس ایران بھیج دیا ہے اور سعودی عرب جس نے چھ سال قبل ایران کے ساتھ تعلقات میں کمی کی تھی لیکن اب اسلامی جمہوریہ کے ساتھ براہ راست مذاکرات کر رہا ہے۔