خطہ میں تکفیری دہشتگردی کو پھر سے سر نہیں اٹھانے دیں گے: ایران

دہشتگردی

?️

سچ خبریں:ایرانی سپریم قومی سلامتی کونسل کے سکریٹری نے کہاکہ ایران اور انسداد دہشت گردی کرنے والے دیگر ممالک خطے میں سامراجی طاقتوں سے وابستہ تکفیری دہشت گردی کو دوبارہ زندہ نہیں ہونے دیں گے۔
مشرق نیوز ایجنسی کی رپورٹ کے مطابق ایرانی سپریم نیشنل سکیورٹی کونسل کے سکریٹری ایڈمرل علی شمخانی نے آج (سنیچر) دوپہر سے قبل عراقی وزیر خارجہ فواد حسین سے ملاقات کے دوران عراق میں حالیہ امریکی اقدامات اور اس ملک سے غیر ملکی افواج کے انخلا کے سلسلہ میں عراقی پارلیمنٹ پاس کیے جانے والے قانون کے نفاذ میں تاخیر کا حوالہ دیا،انھوں نے عراق میں غیر ملکی فوجیوں کو کشیدگی بڑھانے اور خطے میں بحران بڑھانے کا بنیادی سبب قرار دیا۔

شمخانی نے اس ملاقات میں تناؤ کو کم کرنے اور موجودہ بحرانوں کے خاتمے کے لئے تعمیری بات چیت کرنے کے لئے خطے کے ممالک کے تعاون اور مشترکہ کوششوں کی ضرورت پر زور دیتے ہوئے مزید کہاکہ آج عراق کو حاصل ہونے والا استحکام اس ملک کی مرجعیت، سیاسی افراد کی عقمندی اور مسلح افواج کی کوششوں کا نتیجہ ہے، اس کو بچا کر رکھنا ہوگا،ایرانی سپریم نیشنل سکیورٹی کونسل کے سکریٹری نےکہا کہ خطے میں داعش کی دہشت گردانہ سرگرمیوں کو تقویت بخشنے اور ترقی دینے کے لئے حالیہ امریکی اقدامات اور انسداد دہشت گردی کی مزاحمتی قوتوں پر وحشیانہ حملے نے واضح کردیا ہے کہ امریکہ خطہ میں منظم دہشت گردی کے ایک نئے دور کا آغاز کرنا چاہتا ہے۔

انھوں نے زور دے کر کہا کہ ایران اور انسداد دہشت گردی کے دیگر ممالک کی خطے میں اغیار سے وابستہ تکفیری دہشت گردی کو دوبارہ زندہ نہیں ہونے دیں گے،شمخانی نے یمن کے مظلوم عوام کی بدترین صورتحال کا ذکر کرتے ہوئے کہا کہ یہ ایک قسم کی نسل کشی کی یاد دلاتا ہے ،انھوں نے اس ملک میں چار سالہ جنگ کے خاتمے میں تعاون کے لئے اپنے ملک کی تیاری کا اعلان کیا۔

اس ملاقات کے دوران عراقی وزیر خارجہ فواد حسین نے عراق میں حالیہ سیاسی اور سلامتی کی صورتحال کے بارے میں ایک رپورٹ پیش کرتے ہوئے کہاکہ سلامتی اور استحکام معاشی ترقی اور فلاح و بہبود کی بنیاد ہے اور عراق جیسے ملک کی سلامتی کا قیام پہلی ترجیح ہے ،ہمارا ملک دہشت گردی کا مقابلہ کرتا رہا ہے، اور سالوں سے عدم تحفظ کا شکار رہا ہے۔

 

مشہور خبریں۔

واٹس ایپ نے نیا فیچر متعارف کروا دیا

?️ 18 فروری 2022سان فرانسسکو(سچ خبریں) امریکی میسیجنگ ایپلی کیشن واٹس ایپ نے ونڈوز پلیٹ

اسکاٹ لینڈ میں صیہونی حکومت کی حمایت کرنے والی اسلحہ ساز کمپنی کے خلاف احتجاج

?️ 21 جنوری 2023سچ خبریں:اسکاٹ لینڈ میں ایک گروپ نے لیونارڈو کی طرف سے صیہونی

بھارتی فوج کی جانب سے سکھوں کے قتل عام کا معاملہ، حریت کانفرنس نے سنگین جرم قرار دے دیا

?️ 6 جون 2021سرینگر (سچ خبریں) مقبوضہ کشمیر میں کل جماعتی حریت کانفرنس نے آج

بجلی 6روپے فی یونٹ سستی کرنے کا منصوبہ، وفاقی حکومت کا ڈرافٹ آئی ایم ایف میں پیش

?️ 2 ستمبر 2024اسلام آباد: (سچ خبریں) پاکستان نے بجلی کی قیمتوں میں 6 روپے

صدر مملکت ، وزیراعظم کا عید میلادالنبیؐ پر پیغام

?️ 19 اکتوبر 2021اسلام آباد (سچ خبریں) صدر مملکت ڈاکٹر عارف علوی اور وزیر اعظم

جعلی حکومت بہتری نہیں لاسکتی، سرمایہ کاری کے دعوے فراڈ ہیں‘حافظ نعیم الرحمن

?️ 1 جون 2024لاہور: (سچ خبریں) امیر جماعت اسلامی حافظ نعیم الرحمن نے کہا ہے

کل جماعتی حریت کانفرنس کی آزادی پسند تنظیموں پر پابندی کی مذمت

?️ 17 مارچ 2024سرینگر: (سچ خبریں) غیر قانونی طور پر بھارت کے زیر قبضہ جموں

اسرائیل کو بچانے ناکام امریکی کوشش

?️ 13 جون 2024سچ خبریں: فلسطین لیبریشن فرنٹ(ساف) کے پانچ ممالک میں سابق سفیر نے

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے