خان یونس میں قسام کی نئی کارروائی؛ مزاحمت کی حملہ آور فرسایشی حکمت عملی

خان یونس میں قسام کی نئی کارروائی؛ مزاحمت کی حملہ آور فرسایشی حکمت عملی

غزہ کے جنوبی شہر خان یونس میں قسام بریگیڈز کی حالیہ کارروائی محض ایک محدود جھڑپ نہیں بلکہ ایک ہمہ جہت اور منظم فوجی آپریشن تھا۔ اس بات کا انکشاف فلسطینی عسکری تجزیہ کار رامی ابو زبیدہ نے اپنے مختصر جائزے میں کیا۔ابو زبیدہ کے مطابق یہ کارروائی پیادہ فوج کی سطح کی فورس کے ذریعے کی گئی، جس نے بیک وقت کئی اہداف کو نشانہ بنایا۔

مرکاوا 4 ٹینکوں کے خلاف شواظ اور یاسین 105 اینٹی ٹینک میزائلوں کا استعمال کیا گیا، جس سے اسرائیلی بکتر بند گاڑیوں کی ناقابلِ شکست سمجھی جانے والی صلاحیت ٹوٹ گئی۔

گھروں کے اندر قریب سے براہِ راست جھڑپ ہوئی، جہاں قسام کے ماہر نشانہ بازوں نے ایک ٹینک کمانڈر کو ہلاک کیا۔آپریشن کے دوران مارٹر فائرنگ سے مزاحمت کاروں کے ارد گرد کا علاقہ کور کیا گیا تاکہ انخلا منظم طریقے سے ممکن ہو سکے۔اختتامی مرحلے میں ایک استشہادی کارروائی کے ذریعے دشمن کو زیادہ سے زیادہ جانی نقصان پہنچایا گیا۔

یہ آپریشن ایسے وقت میں کیا گیا جب دو سال سے زائد عرصے سے جنگ جاری ہے۔ اس کے باوجود فلسطینی مزاحمت کی عسکری ڈھانچہ نہ صرف قائم ہے بلکہ لچکدار اور نئے اقدامات کرنے کی صلاحیت رکھتا ہے۔

کارروائی میں مختلف حربی اوزار بیک وقت استعمال ہوئے: اینٹی ٹینک میزائل، پیادہ فوج، نشانہ باز، مارٹر اور استشہادی حملہ۔ اس سے اسرائیلی فوج کو بھاری جانی و نفسیاتی نقصان پہنچا اور اسے فضائیہ اور ہیلی کاپٹروں کی فوری مدد لینا پڑی۔

یہ حملہ اس بات کا واضح پیغام ہے کہ غزہ میں اسرائیلی افواج کے لیے کوئی جگہ محفوظ نہیں۔ ساتھ ہی یہ فلسطینی عوام اور عرب رائے عامہ کے لیے ایک حوصلہ افزا اشارہ ہے کہ مزاحمت اب بھی جنگ کے توازن کو اپنی مرضی کے مطابق بدلنے کی صلاحیت رکھتی ہے۔

ابو زبیدہ کے مطابق خان یونس کا یہ آپریشن حملہ آور فرسایشی حکمت عملی کی عملی مثال ہے، جس میں بکتر بند گاڑیوں کو نشانہ بنانا، دشمن کی دفاعی لائنز میں گھسنا، کمانڈروں کو شکار کرنا اور انخلا کے وقت دھماکے کے ذریعے نقصان پہنچانا شامل ہے۔

انہوں نے کہا کہ اس کارروائی نے دو پیغام دیے ہیں: اسرائیلی فوج کے لیے کہ غزہ میں کوئی محفوظ جگہ نہیں، اور فلسطینی عوام کے لیے کہ مزاحمت اب بھی طاقت اور حکمت عملی کے ساتھ میدان میں موجود ہے۔