حزب اللہ صیہونیوں کے ساتھ کیا کر رہی ہے؟صیہونی میڈیا کی زبانی

?️ 30 جنوری 2024

سچ خبریں: صہیونی میڈیا نے حالیہ دنوں کی کاروائیوں میں حزب اللہ کی طرف سے داغے گئے جدید ترین میزائلوں کا حوالہ دیتے ہوئے کہا ہے کہ اس جماعت نے تل ابیب کے خلاف نفسیاتی جنگ تیز کر دی ہے۔

المیادین چینل کی رپورٹ کے مطابق صیہونی حکومت کے ذرائع ابلاغ نے کل شام اطلاع دی کہ حزب اللہ نے مقبوضہ علاقوں کی شمالی سرحدوں میں وسیع تنازعات کے ساتھ ساتھ صیہونی حکومت کے خلاف نفسیاتی جنگ کی سطح کو بھی تیز کردیا ہے۔

یہ بھی پڑھیں: مزاحمتی تحریک کی نفسیاتی جنگ/صیہونیوں کا سوال: راکٹ کب فائر کیے جائیں گے؟

اس حوالے سے اسرائیلی چینل کان کے عسکری امور کے نامہ نگار Itai Blumenthal نے کہا کہ لبنان کی جنگ کے ابتدائی دنوں میں حزب اللہ نے اپنے مارٹر اور اینٹی آرمر میزائل فائر کیے تھے لیکن حال ہی میں ہم نے شمالی محاذ پر جنگی ہتھیاروں کی آمد دیکھی ہے۔

بلومینتھل نے کہا کہ یہ آپریشن دو دن پہلے اسی طرح کیا گیا کہ راس الناقورہ کے قریب بحریہ کے اڈے پر اسرائیلی فوج کے انٹیلی جنس آلات کے گنبد پر ایک درست اینٹی آرمر میزائل فائر کیا گیا ۔

رپورٹس میں مزید آیا ہے کہ اسی نوعیت کے ایک میزائل نے شلومی کے علاقے کے قریب اسرائیلی فوج کے انٹیلی جنس اکٹھا کرنے والے انفراسٹرکچر کو بھی نشانہ بنایا۔

مزید پڑھیں: سید حسن نصر اللہ کے بیان پر صہیونی میڈیا کا رد عمل

اس سلسلے میں بلومینتھل نے فلک 1 میزائل کے بارے میں منطرعام پر آنے والی معلومات کا حوالہ دیا، جو 50 کلوگرام وار ہیڈ والا میزائل ہے جو سپرسونک ہے اور متعدد لانچ پلیٹ فارمز سے فائر کیا جاتا ہے اور اس کی رینج 10 کلومیٹر تک ہے۔