جنگ کے بعد اسرائیل کا غیر یقینی مستقبل، اندرونی بحران اور معیشت تباہی کے دہانے پر

جنگ کے بعد اسرائیل کا غیر یقینی مستقبل، اندرونی بحران اور معیشت تباہی کے دہانے پر

 غزہ کی دو سالہ جنگ کے بعد اسرائیل شدید سیاسی، سماجی اور معاشی بحران کا شکار ہو گیا ہے۔ ماہرین کا کہنا ہے کہ اب یہ ریاست باہر سے نہیں بلکہ اندر سے ٹوٹنے کے خطرے سے دوچار ہے۔

غزہ میں جنگ بندی کے بعد جب اسرائیلی اور فلسطینی قیدیوں کا تبادلہ ہوا تو حماس کے جنگجوؤں کی عوامی موجودگی نے ثابت کر دیا کہ نتن یاہو حکومت حماس کو ختم کرنے میں ناکام رہی۔

اسرائیلی وزیراعظم بنیامین نتن یاہو کی مقبولیت تیزی سے کم ہو رہی ہے۔ عوام اور اتحادی جماعتوں کے درمیان اختلافات بڑھ گئے ہیں اور نئے انتخابات کا مطالبہ کیا جا رہا ہے۔ ماہرین کے مطابق، اگر یہ حالات برقرار رہے تو موجودہ حکومت جلد ختم ہو سکتی ہے۔

اسرائیلی شہری بڑی تعداد میں ملک چھوڑ رہے ہیں۔ رپورٹوں کے مطابق، صرف دو سال میں بیرونِ ملک جانے والے اسرائیلیوں کی تعداد میں 24 فیصد اضافہ ہوا ہے۔

تعلیمی، طبّی اور ٹیکنالوجی کے ماہرین بھی اسرائیل سے جا رہے ہیں کیونکہ ملک میں عدم تحفظ، مذہبی تنازعات اور آزادی پر پابندیاں بڑھ گئی ہیں۔

7 اکتوبر کے واقعات کے بعد اسرائیلی فوج کو تاریخ کی سب سے بڑی شکست کا سامنا کرنا پڑا۔تجزیہ نگاروں کے مطابق، اسرائیل اپنی فوجی طاقت پر فخر کرتا تھا لیکن حماس کے حملوں نے دکھا دیا کہ اس کے دفاعی نظام میں سنگین خامیاں ہیں۔

غزہ پر حملوں کے بعد اسرائیل اب دنیا بھر میں منزوی ہو گیا ہے۔ مغربی ممالک میں بھی عوام کی بڑی تعداد فلسطینیوں کی حمایت کر رہی ہے۔ امریکی اور یورپی نوجوان اسرائیلی پالیسیوں کے خلاف کھل کر آواز اٹھا رہے ہیں۔

جنگ کے نتیجے میں اسرائیلی معیشت کو 63 ارب ڈالر سے زیادہ نقصان ہوا ہے۔کاروبار بند ہو رہے ہیں، سرمایہ کار اپنا پیسہ نکال رہے ہیں اور بے روزگاری تیزی سے بڑھ رہی ہے۔رپورٹوں کے مطابق صرف ایک مہینے میں تقریباً پانچ لاکھ افراد بے روزگار ہو چکے ہیں۔