جنوبی نابلس میں صہیونیوں کا فلسطینیوں پر حملہ؛درجنوں افراد زخمی

?️ 14 اگست 2021

سچ خبریں:نابلس کے جنوب میں بیتا قصبے میں صیہونی آبادکاری خلاف ہونے والےمظاہرے پر صہیونی عسکریت پسندوں کے حملے میں درجنوں فلسطینی زخمی ہوگئے۔
یو این نیوز ٹیلی گرام چینل کے مطابق صیہونی عسکریت پسندوں نے جمعہ کے روز نابلس کے جنوب میں واقع بیتا قصبے میں فلسطینی ریلی پر حملہ کرتے ہوئے درجنوں فلسطینی زخمی کر دیے۔

رپورٹ کے مطابق شمال مغربی کنارے میں واقع صوبہ نابلس کے ہلال احمر ایمرجنسی ڈیپارٹمنٹ کے سربراہ احمد جبریل نے کہاکہ بیتا کے شہری قصبے میں نماز جمعہ کے بعد صیہونی بستی کی تعمیر کے خلاف مظاہرے کررہے تھے کہ صہیونی ملیشیا نے ان پر حملہ کیا جس کےنتیجہ میں درجنوں افراد زخمی ہوئے جن میں سے پانچ ربر کی گولیوں سے اور چوبیس افراد آنسو گیس سے جبکہ نو کے سروں میں گیس کی گولیاں لگی ہیں ۔

واضح رہے کہ نابلس کے جنوب میں واقع قصبہ بیتا گزشتہ تین ماہ سے علاقے میں کوہ صبیح پرصیہونی آباد کاری کے خلاف فلسطینیوں کے غصے کا مشاہدہ کر رہا ہے جس کی وجہ سے ان کے اور صہیونی عسکریت پسندوں کے درمیان جھڑپیں ہو رہی ہیں،یادرہے کہ بیتا میں عوامی مزاحمت کے آغاز کے بعد سے اب تک چھ فلسطینی نوجوان شہید ہوچکے ہیں جن میں سے آخری شہید عماد دویکات تھے جنہیں گزشتہ جمعہ کو سینے میں گولی لگی تھی۔

یادرہے کہ حالیہ دنوں میں بیتا کے رہائشیوں نے عارضی طور پر رات کی ریلیوں اور صہیونی عسکریت پسندوں کے ساتھ جھڑپوں کو قصبے کے داخلی اور مرکزی چوک پر منتقل کرنے کا فیصلہ کیا ہے نیز انھوں شہید شادی الشرفا کی لاش کی حوالے کرنے کا مطالبہ کیا ہے ، جسے قابض نے اپنے قبضے میں رکھا ہوا ہے۔