جبل کے رہائشیوں کالبنان کو ایندھن فراہم کرنے پر ایران اور سید حسن نصر اللہ کا شکریہ

?️ 28 ستمبر 2021

سچ خبریں:ایرانی ایندھن کے ٹینکر لبنان کے صوبہ جبل میں لوگوں کے پرجوش استقبال کےساتھ علاقے میں داخل ہوئے۔
العہد نیوز ویب سائٹ کی رپورٹ کے مطابق لبنان کے مختلف حصوں میں ایرانی ایندھن کی ترسیل تقسیم کرنے کا عمل جاری ہے اور اس سلسلے میں ، حزب اللہ کے وفد نے صوبہ جبل کےالشوف کے دیہی علاقوں اور قصبوں کے اہم اداروں میں تحفے کے طور پر ایک خاص مقدار میں ایرانی ایندھن کا تیل تقسیم کیا۔

واضح رہے کہ اس علاقہ میں ایندھن تقسیم کیے جانے والا پہلا اسٹیشن الناعمہ کے علاقے میں تھا ، جس کا میئر اور ضلعی بورڈ نے خیر مقدم کیا،اگلا اسٹیشن علمان شہر تھاجہاں ایرانی ڈیزل ایندھن کی آمد کے ساتھ ہی اس علاقے میں شہر کے پانی کے پمپ چلنے لگے۔

واضح رہے کہ ایرانی ایندھن کی کھیپوں کی علمان کے علاقے میں آمدپر یہاں کے باشندوں نے خوشی کا اظہار کیااور ایندھن لانے والے ٹینکروں کا پرجوش استقبال کیا جہاں لوگوں نے مزاحمت کے جھنڈے تھامے ہوئے ٹینکروں کا استقبال کیا۔

مذکورہ شہروں میں متعلقہ حکام نے تقریریں کیں اور لبنانیوں کو ایندھن بھیجنے پر اسلامی جمہوریہ ایران اور حزب اللہ کے سکریٹری جنرل سید حسن نصر اللہ کا شکریہ ادا کیا،یادرہے کہ قبل ازیں ، ذرائع نے اطلاع دی تھی کہ حزب اللہ نے ایرانی ایندھن کی ترسیل کو صیدا کے علاقے میں واقع اہم تنصیبات میں مفت تقسیم کیا۔

رپورٹ کے مطابق ، خطے کے میئروں اور کارکنوں نے حزب اللہ اور سید حسن نصر اللہ کی قیادت کا شکریہ ادا کرتے ہوئے کہا کہ انھوں نے لبنانی عوام کو ایندھن کے بحران سے نجات دلائی نیز الامانہ کمپنی سے وابستہ ایندھن کے ٹینکروں کا خیرمقدم کیا جس کے ذمہ ایندھن کی تقسیم کا کام ہے۔