تل اویو کا جنوبی یمن میں سومالی لینڈ جیسا منصوبہ

سچ خبریں: عبرانی اخبار معاریو کی رپورٹ کے مطابق، صہیونی ریاست جنوبی یمن کے صوبوں کے معاملے میں سومالی لینڈ جیسا تجربہ دہرانا چاہتی ہے اور امارات سے وابستہ  سدرن ٹرانزیشنل کونسل کو تسلیم کرنے کی کوشش کر رہی ہے۔

رپورٹ میں بتایا گیا ہے کہ یمن کی انصاراللہ قوتوں سے نمٹنے کے مقصد سے بحیرہ احمر کے ساحلی علاقوں میں ایک اسٹریٹجیک شراکت داری قائم کرنے کی صہیونی ریاست کی خواہش کے مطابق یہ اقدام کیا جا رہا ہے۔

معاریو کا کہنا تھا کہ جنوبی یمن میں اماراتی ایجنٹوں کو قانونی حیثیت دینے کا مقصد اسٹریٹجک آبنائے باب المندب کے کنارے واقع اس ملک کے ساحلوں پر صہیونی ریاست کے لیے براہ راست فوجی و انٹیلی جنس اڈہ قائم کرنا ہے۔

گذشتہ روز العربیہ نیٹ ورک نے عبرانی ذرائع کے حوالے سے بتایا تھا کہ ’سدرن ٹرانزیشنل کونسل‘ نامی گروپ کے سربراہ نے صہیونی حکام کے ساتھ خفیہ اور پر رابطے کیے ہیں تاکہ صہیونی ریاست کے قبضے کو تسلیم کرنے کے عوض جنوبی یمن کی علیحدگی کے منصوبے کے لیے بین الاقوامی حمایت حاصل کی جا سکے۔