ترک قابضین کو سخت سبق سکھائیں گے: عراقی مزاحمتی تحریک

?️ 3 فروری 2022

سچ خبریں:عراقی مزاحمتی تحریک عصاب اہل الحق کے سکریٹری جنرل نے شمالی عراق میں گزشتہ رات ترک فضائی حملوں کی شدید مذمت کرتے ہوئے تاکید کی کہ مزاحمتی قوتیں ان حملوں کے سامنے مزید خاموش نہیں رہیں گی اور ترک قابضین کو سخت سبق سکھائیں گی۔
عراقی مزاحمتی تحریک عصاب اہل الحق کے سکریٹری جنرل شیخ قیس الخزعلی نے شمالی عراق کے علاقوں پر گزشتہ رات ترک فضائی حملوں پر ردعمل ظاہر کیا، الخزعلی نے اپنے ذاتی ٹویٹر پیج پر موصل کے ان علاقوں پر کل رات کے ترک فضائی حملوں کی شدید مذمت کرتے ہوئے لکھاکہ بدقسمتی سے حکومتی اور سیاسی خاموشی کے سائے میں قابض ترک حکومت کی جانب سے عراقی خودمختاری کی صریح خلاف ورزیوں کا سلسلہ جاری ہے۔

انھوں نے مزید لکھا کہ ترکی شمالی عراق میں اپنے فوجی اڈے قائم کرنے کے بعد سے خطے میں اپنا اثر و رسوخ بڑھا رہا ہےاور جھوٹے بہانوں کے تحت بے دفاع شہریوں کو فضائی حملوں سے نشانہ بنا رہا ہےجس کے نتیجہ میں عراقی عوام پر ترکی کے حملوں اور پناہ گزینوں کے کیمپوں پر بمباری اور ان کے مصائب اور مسائل میں اضافہ ہورہا ہے جس ہم کی شدید مذمت کرتے ہیں۔

انھوں نے کہا کہ یہ سلسلہ جاری نہیں رکھا جائے گا، اپنے ٹویٹ کے آخر میں، عصائب اہل الحق تحریک کے سکریٹری جنرل نے زور دے کر کہاکہ وہ وقت آنے والا ہےجب عراقی مزاحمت ترک غاصبوں کو امریکی غاصبوں کی طرح سخت سبق سکھائے گی اور انہیں عراق کی پاک سرزمین چھوڑنے پر مجبور کرے گی۔