ترکی کی کان میں دھماکہ، 28 افراد ہلاک

?️ 15 اکتوبر 2022

سچ خبریں:ترکی کے وزیر صحت نے اس ملک کی ایک کان میں بڑے دھماکے کی اطلاع دیتے ہوئے کہا کہ جمعہ کو ترکی کے شمالی صوبے بارٹن میں کوئلے کی کان میں ہونے والے دھماکے میں 28 افراد ہلاک ہو گئے۔

ترک ذرائع ابلاغ کی رپورٹ کے مطابق ترکی کے وزیر صحت فخرالدین کوجا نے اس ملک کی ایک کان میں خوفناک دھماکہ ہونے کا اعلان کرتے ہوئے کہا کہ جمعہ کوترکی کے شمالی صوبہ بارٹن میں کوئلے کی کان میں دھماکہ ہوا جس کے نتیجہ 28 افراد ہلاک ہوئے ہیں،اس کے ساتھ ہی ترک حکومت کے اس عہدہ دار نے کہا کہ یہ واضح نہیں ہے کہ دھماکے کی وجہ سے کتنے لوگ ابھی تک پھنسے ہوئے اور ملبے تلے دبے ہوئے ہیں۔

کوجا نے ٹوئٹر پر ایک بیان میں کہا کہ 17 افراد کا علاج کیا جا رہا ہے، قبل ازیں ترکی کے وزیر داخلہ سلیمان سویلو نے کہا تھا کہ دھماکے کے وقت 49 افراد 300 اور 350 میٹر (985 سے 1148 فٹ) زمین کے نیچے کام کر رہے تھے، سوئیلو نے دھماکے کی جگہ پر صحافیوں کو بتایا کہ ایسے لوگ ہیں جنہیں ہم اس علاقے سے باہر نکالنے میں کامیاب ہو گئے، تاہم ایسے لوگ بھی ہیں جنہیں ہم اس علاقے سے نہیں نکال سکے۔

ترکی کے وزیر توانائی فاتح ڈونمز نے بھی کہا کہ ابتدائی اشارے یہ ہیں کہ دھماکہ کوئلے کی کان میں میتھین گیس کے باعث ہوا ہے، ڈونمز نے بتایا کہ کان کے اندر کوئی آگ نہیں لگی اور اس کے اندر وینٹیلیشن ٹھیک سے کام کر رہا ہے۔