بن سلمان کے آرامکو کے حصص بیچنے کے فیصلے کے بعد سعودی اسٹاک مارکیٹ میں گراوٹ

?️ 15 فروری 2022

سچ خبریں:سعودی ولی عہد کی جانب سے آرامکو کے 4 فیصد شیئرز سعودی سرکاری سرمایہ کاری فنڈ میں منتقل کرنے کے فیصلے کے بعد اتوار کو سعودی اسٹاک انڈیکس گر گیا۔
عربی 21 کی رپورٹ کے مطابق سعودی ولی عہد محمد بن سلمان کی جانب سے آرامکو میں 4 فیصد حصص سعودی سرکاری سرمایہ کاری فنڈ میں منتقل کرنے کے فیصلے کے بعد سعودی اسٹاک مارکیٹ گزشتہ ڈھائی ماہ میں سب سے زیادہ گر گئی۔

واضح رہے کہ سعودی اسٹاک ایکسچینج انڈیکس کے اتوار کے سیشن کا اختتام 1.95 فیصد کمی کے ساتھ 12029 یونٹس پر ہوا جبکہ آرامکو کے حصص 0.67 فیصد کمی کے ساتھ 37.05 ریال پر آگئے، جو 28 نومبر 2021 کے بعد انڈیکس کی سب سے بڑی کمی ہے درایں اثنااتوار کو خام تیل کی قیمتوں میں اضافے کے باوجود سعودی اسٹاک انڈیکس گر گیا۔

واضح رہے کہ گزشتہ دسمبر میں سعودی اسٹاک مارکیٹ 1.2 فیصد گر کر 11,184 پوائنٹس پر آ گئی تھی کیونکہ سعودی حکومت نے کورونا کے پھیلاؤ اور اومیکرون کےاسٹرین نئے اومیکرون کے نئے اسٹرین پرقابو پانے کے لیے سخت اقدامات دوبارہ نافذ کیے ، یادرہے کہ گذشتہ نومبر میں جدہ میں ایک سعودی تنصیب پر یمنی ڈرون حملے میں بھی سعودی اسٹاک ایکسچینج انڈیکس میں ایک سال سے زائد عرصے میں سب سے زیادہ روزانہ کی کمی دیکھنے میں آئی۔

قابل ذکر ہےکہ سعودی عرب نے اتوار کو آرامکو کے 4 فیصد حصص کو سرکاری سرمایہ کاری فنڈ میں منتقل کرنے کا اعلان کیا۔