بن سلمان کو گرفتار کیا جائے: فرانسیسی انسانی حقوق کی تنظیمیں

?️ 30 جولائی 2022

سچ خبریں:سعودی ولی عہد محمد بن سلمان کے فرانس دورے پر اس ملک کی انسانی حقوق کی تنظیموں نے فرانس کی عدالت میں ان کے خلاف انسانی حقوق کی خلاف ورزی کا مقدمہ دائر کیا۔
عربی21 ویب سائٹ کی رپورٹ کے مطابق سعودی ولی عہد شہزادہ محمد بن سلمان تنقیدی سعودی صحافی جمال خاشقجی کے بہیمانہ قتل کے بعد جمعرات پہلی بار فرانس پہنچے جہاں اس ملک کی انسانی حقوق کی ڈیموکریسی ناؤ فار دی عرب ورلڈ(DAWN)، اوپن سوسائٹی جسٹس انیشی ایٹو(OSJI) اور انٹرنیشنل کورٹ آف جسٹس تنظیم نے پیرس کی عدالت میں 42 صفحات پر مشتمل شکایت جمع کرائی جس میں محمد بن سلمان پر جمال خاشقجی پر تشدد اور پرتشدد اغوا کا الزام عائد کرتے ہوئے فرانس میں ان پر مقدمہ چلائے جانے کا مطالبہ کیا۔

اس شکایت میں یہ بھی کہا گیا ہے کہ بن سلمان کو عدالتی استثنیٰ حاصل نہیں ہوسکتا، کیونکہ وہ ولی عہد ہیں سعودی حکومت کے حکومت کے سربراہ نہیں،( DAWN) کی ایگزیکٹو ڈائریکٹر سارہ لی وائٹسن نے کہا کہ فرانسیسی حکام کو جمال خاشقجی کے قتل میں لیے محمد بن سلمان کے کردار کے لیے ان کے خلاف فوری طور پر مجرمانہ تحقیقات شروع کرنی چاہئیں۔

انہوں نے مزید کہا کہ فرانس، تشدد اور اغوا کے خلاف اقوام متحدہ کے کنونشن کے رکن کے طور پر، بن سلمان جیسے مشتبہ شخص سے تفتیش کرنے کا حق رکھتا ہے جب تک وہ فرانس کی سرزمین پر ہیں۔