بغداد کے گرین زون میں امریکی سفارت خانے پر میزائل حملہ

?️ 19 دسمبر 2021

سچ خبریں:عراقی میڈیا نے اطلاع دی ہے کہ بغداد کے گرین زون میں واقع امریکی سفارت خانے پر دو میزائل داغے جانے کے بعد امریکی سفارت خانے کا فضائی دفاعی سسٹم فعال ہو گیا ہے۔

صابرین نیوز ٹیلیگرام چینل نے بریکنگ نیوز میں بتایا کہ اتوار کی صبح ایک بار پھر بغداد میں دھماکے کی آواز سنائی جس کے بارے میں ابتدائی طورکہا جارہا ہے کہ یہ آواز بغداد کے گرین زون میں دھماکے کی ہے،عراقی میڈیا نے مزید بتایا کہ دھماکے کے بعد گرین زون میں خطرے کے سائرن بجنے لگے اور گرین زون میں امریکی سفارت خانے کا فضائی دفاعی سسٹم کو فعال کر دیا گیا ہے۔

صابرین نیوز کے مطابق بغداد میں امریکی سفارت خانے کے اندر تیسرے توحید اڈے کے قریب دو راکٹ گرے، روسی خبر رساں ایجنسی اسپوٹنک اور صحیفة العراق الالکترونیه نے بھی اس خبر کی تصدیق کی ہے۔

یادرہے کہ بغداد کا گرین زون اس سے پہلے بھی کئی بار راکٹ حملوں کا مشاہدہ کر چکا ہے، نومبر میں عراقی میڈیا نے اطلاع دی تھی کہ گرین زون میں واقع وزیر اعظم مصطفی الکاظمی کے گھر کو فضائی حملوں کا نشانہ بنایا گیا ، تاہم بعض عراقی شخصیات اور گروہوں نے اس پر یقین نہیں کیا۔

اسپوٹنک خبر رساں ایجنسی نے مزید تاکید کی ہے کہ حملے کے بعد ایک راکٹ امریکی سفارت خانے کے صحن کے اندر گرا اور دوسرا راکٹ فضائی دفاعی نظام نے مار گرایا اور سفارت خانے کے باہر گرا۔