برکس نشست کا آغاز

?️ 22 اگست 2023

سچ خبریں: برکس گروپ کے رہنماؤں کا اجلاس منگل کو جنوبی افریقہ کے دارالحکومت جوہانسبرگ میں شروع ہو کر جمعرات تک جاری رہے گا۔

اسپوٹنک نیوز ایجنسی کی رپورٹ کے مطابق چینی میڈیا نے اعلان کیا کہ چینی صدر شی جن پنگ 15ویں برکس سربراہی اجلاس میں شرکت کے لیے جنوبی افریقہ کے دارالحکومت جوہانسبرگ پہنچے جہاں جنوبی افریقہ کے صدر سیرل رامافوسا نے ان کا استقبال کیا۔

یہ بھی پڑھیں: برکس کیا کرنے والا ہے؟

یاد رہے کہ برکس 2023 کا اجلاس آج منگل کو اس گروپ کے 5 ممالک یعنی روس، چین، بھارت، جنوبی افریقہ اور برازیل کے سربراہان کی شرکت سے شروع ہوگا اور جمعرات تک جاری رہے گا۔

ہندوستان کے وزیر اعظم نرندرا مودی ،چین،برازیل، روس اور جنوبی افریقہ کے صدور لولا دا سلوا شی جن پنگ اور سریل رامافوسا اس نشست میں حاضر ہوئے جبکہ روس کے صدر ولادیمیر پیوٹن ویڈیو کمیونیکیشن کے ذریعہ اس اجلاس میں شریک ہوئے۔

روسی وزیر خارجہ سرگئی لاوروف نے گزشتہ روز جنوبی افریقہ کے اوبنٹو میگزین میں شائع ہونے والے ایک کالم میں لکھا کہ برکس نے نئے عالمی نظام کے ستونوں میں سے ایک بننے کا عمل شروع کر دیا ہے۔

انہوں نے کہا کہ روس برکس تعامل کی ترقی میں دوسرے ممالک کے ساتھ مسلسل تعاون کرتا ہے خاص طور پر موجودہ برکس چیئرمین شپ کے طور پر جنوبی افریقہ کی ترجیحات میں سے ایک افریقی ممالک کے ساتھ تعاون کو مضبوط بنانا ہے۔

لاوروف کے مطاب قروس بھی اس نقطہ نظر سے مکمل اتفاق کرتا ہے کہ برکس دنیا بھر میں ہم خیال ممالک پر مشتمل ہے اور اسے ایک مثبت قوت کے طور پر دیکھا جاتا ہے جو عالمی یکجہتی کو مضبوط بنا سکتی ہے اور نئے عالمی نظام کے ستونوں میں سے ایک بن سکتی ہے۔

مزید پڑھیں: برکس، کمپاس کا رخ مغرب سے مشرق کی طرف موڑتا ہے: سعودی ماہر اقتصادیات

برکس سربراہی اجلاس کے موقع پر چینی وزارت خارجہ نے ایک بیان میں کہا کہ برکس گروپ دنیا میں کثیرالجہتی کی حمایت کرتا ہے، اس بیان میں اس بات پر زور دیا گیا ہے کہ برکس ممالک کا گروپ کثیرالجہتی کے دفاع اور دنیا پر حکمرانی کرنے والے نظام کی اصلاح کے لیے پرعزم ہے۔

انہوں نے مزید کہا کہ برکس ترقی پذیر ممالک کے درمیان تعاون کا ایک اہم پلیٹ فارم اور فریم ورک ہے۔