بحر ہند و بحر الکاہل میں مغرب کے منصوبے کا قصد روس اور چین کو روکنا ہے: لاوروف

سچ خبریں: روس کے وزیر خارجہ سرگئی لاوروف نے اعلان کیا ہے کہ ماسکو اور بیجنگ دوہرے معیار کی پالیسی اور یکطرفہ پابندیوں کے نفاذ کے مخالف ہیں۔ 

انہوں نے یوکرین کے معاملے پر چین کے مؤقف کو متوازن قرار دیتے ہوئے اس پر بیجنگ کا شکریہ ادا کیا۔

لاوروف نے دونوں ممالک کے درمیان تعاون کا ذکر کرتے ہوئے کہا کہ روس اور چین نے شنگھائی تعاون تنظیم (ایس سی او) کو یوریشیا کے سیکورٹی ڈھانچے کا ایک اہم ستون بنا دیا ہے۔ روس کے وزیر خارجہ نے مزید کہا کہ ایشیا بحر الکاہل کے علاقے کا سیکورٹی ڈھانچہ جنوب مشرقی ایشیائی ممالک کی تنظیم (آسیان) کے گرد تشکیل پانا چاہیے۔

انہوں نے اپنے بیان کے آخر میں دوبارہ زور دے کر کہا کہ مغرب کی جانب سے بحر ہند اور بحر الکاہل میں جس منصوبے پر عمل کیا جا رہا ہے، وہ روس اور چین کو روکنے کے لیے ترتیب دیا گیا ہے۔