بائیڈن کی ایک بار پھر ایران کے ملکی مسائل میں مداخلت

?️ 15 اکتوبر 2022

سچ خبریں:امریکہ کے صدر جوبائیڈن نے ایک بار پھر بیان جاری کرتے ہوئے ایران میں میں ہونے والے حالیہ فسادات کی حمایت کی ہے۔

سی این این کی رپورٹ کے مطابق امریکی صدر جوبائیڈن نے ایک بیان جاری کرتے ہوئے اعلان کیا کہ وہ ایرانی عوام کی خواہش کے حصول کے لیے ان کے ساتھ کھڑے ہیں، یاد رہے کہ امریکہ کی جانب سے ایران کے خلاف زیادہ سے زیادہ دباؤ کی پالیسی اپنانے ، جس کی وجہ سے اس ملک کی عوام کے خلاف سخت پابندیاں عائد کی گئی ہیں یہاں تک کہ ایرانی عوام کو بعض بیماریوں کے لیے ادویات کی برآمد پر پابندی کا سامنا ہے ، کے باوجود امریکی صدر نے دعویٰ کیا کہ مہسا امینی کی موت پر جس طرح سے ایرانی عوام نے ردعمل کا اظہار کیا اس سے میں حیران رہ گیا، ان مظاہروں نے ایک ایسی چیز کو بیدار کیا جو بہت دیر سے دبی ہوئی تھی۔

بائیڈن نے مزید کہا کہ میں طویل عرصے سے خارجہ پالیسی میں سرگرم رہا ہوں، تہران کو مظاہرین کے خلاف تشدد ختم کرنا چاہیے اور شہریوں کے حقوق کا احترام کرنا چاہیے، ہم ایران کے بہادر مردوں اور خواتین کے ساتھ کھڑے ہیں۔

یاد رہے کہ اس سے قبل وائٹ ہاؤس کے قومی سلامتی کے مشیر جیک سلیوان نے اس سوال کے جواب میں کہ کیا مہسا امینی کی ہلاکت کی وجہ سے امریکہ ایران کے خلاف مزید پابندیاں عائد کرے گا؟، کہا تھا کہ اب تک ہم نے اس سلسلے میں کچھ ایرانی حکام کے خلاف پابندیاں عائد کی ہیں نیز ابھی ہم اس معاملے کی تحقیقات جاری رکھے ہوئے ہیں۔