ایران کی صبورانہ حکمتِ عملی سب سے طاقتور ہتھیار ہے:اسرائیلی تحقیقاتی ادارہ

ایران کی صبورانہ حکمتِ عملی سب سے طاقتور ہتھیار ہے:اسرائیلی تحقیقاتی ادارہ

 ایک اسرائیلی تحقیقاتی ادارے نے اپنی تازہ رپورٹ میں ایران کی صبورانہ اور حکمت پر مبنی سیاسی حکمتِ عملی کو اس کا سب سے مؤثر ہتھیار قرار دیا ہے۔

پایگاه اطلاع‌رسانی پژوهشکده امور خارجی و امنیتی قدس نے ہارولڈ رود کے قلم سے شائع ہونے والی ایک تجزیاتی رپورٹ میں لکھا ہے کہ ایران کی خطرناک قوت ابھی ختم نہیں ہوئی۔ رپورٹ کے مطابق، ایرانی قیادت "صبر، تاخیر اور موقع پرستی” کی فنون میں مہارت حاصل کر چکی ہے اور ہمیشہ مناسب وقت کا انتظار کرتی ہے۔

تجزیے میں کہا گیا ہے کہ ایران کا رویہ سخت گیر لیکن حساب شدہ ہے؛ وہ ہر جزئیے کا گہرا تجزیہ کرتا ہے، صبر و تحمل سے فیصلے لیتا ہے، اور اپنی داخلی اسٹریٹجک ہم آہنگی کے ذریعے نتائج حاصل کرتا ہے۔

مصنف نے اعتراف کیا کہ حالیہ 12 روزہ جنگ کے باوجود ایران کو کوئی قابلِ ذکر نقصان نہیں پہنچا۔ اس کے برعکس، تہران اب بھی اپنی طاقتور فیصلہ سازی کی صلاحیت برقرار رکھے ہوئے ہے۔

رپورٹ کے مطابق، ایران کی قیادت مسلسل اپنے دشمنوں کا مطالعہ اور تجزیہ کرتی رہتی ہے اور یقین رکھتی ہے کہ "وقت اور ثابت قدمی” بالآخر اسے کامیابی سے ہمکنار کریں گے۔

تجزیے میں مزید کہا گیا کہ ایرانی اور مغربی رہنماؤں کے درمیان مذاکرات کے انداز میں جو بنیادی فرق ہے، وہی دونوں فریقوں کی جہان بینی اور طاقت کے تصور کا مظہر ہے۔