ایرانی حملے نے صیہونیوں کے لیے کیا ثابت کیا؟حماس کی زبانی

?️ 18 اپریل 2024

سچ خبریں: فلسطین کی اسلامی مزاحمتی تحریک حماس نے صیہونی حکومت کے خلاف ایران کے جوابی حملے کو سراہتے ہوئے صیہونی حکومت کی فوری حمایت میں مغرب کے متعصبانہ موقف کی مذمت کی ہے۔

شہاب نیوز ایجنسی کی رپورٹ کے مطابق فلسطین کی اسلامی مزاحمتی تحریک حماس نے ایک بیان جاری کرتے ہوئے اعلان کیا ہے کہ غاصب صیہونی حکومت کے خلاف ایران کا ردعمل قانونی اور درست تھا کیونکہ اس حملے میں دمشق میں ایرانی قونصل خانے پر صیہونی حکومت کے ہاتھوں کیے جانے والے جرم جس میں اسلامی انقلابی گارڈ آئی آر جی سی کے متعدد کمانڈروں کو شہید کیا گیا، کا منہ توڑ جواب دیا گیا ہے۔

یہ بھی پڑھیں: ایرانی حملے نے صیہونیوں کو کتنا نقصان پہنچایا؟

حماس نے اعلان کیا کہ ایک طرف ہم اسلامی جمہوریہ کے اقدام کو سراہتے ہیں اور دوسری طرف قابض حکومت کی فوری حمایت میں مغرب کے متعصبانہ موقف کی مذمت کرتے ہیں۔

اس بیان میں کہا گیا ہے کہ یہ متعصبانہ مؤقف اس وقت ہے جب مغرب غزہ کے لوگوں کی اجتماعی نسل کشی، مقبوضہ بیت المقدس اور مغربی کنارے میں ہمارے لوگوں کو ہراساں کرنے اور قابضین کی جیلیوں میں ہمارے قیدیوں پر تشدد کے خلاف خاموش ہے۔

تحریک حماس نے تاکید کی کہ اسلامی جمہوریہ ایران کے رد عمل نے ثابت کر دیا کہ صیہونی حکومت کی من مانیوں کھوکھلے دعووں کا وقت ختم ہو گیا ہے۔

مزید پڑھیں: ایران کا صیہونی حکومت کو سبق سکھانے کے بارے میں پینٹاگون نے کیا کہا؟

اس بیان میں کہا گیا ہے کہ تحریک حماس عرب قوم، ملت اسلامیہ، خطے کی طاقتوں اور دنیا کے آزاد عوام سے اپیل کرتی ہے کہ وہ طوفان اقصیٰ کی عظیم جنگ میں فلسطینی قوم کی حمایت جاری رکھیں۔