امریکی کانگریس کی طرح صیہونیوں کو بھی حملے کا خطرہ

?️ 6 جون 2021

سچ خبریں:صہیونی حکومت کی داخلی سلامتی کی تنظیم نے متنبہ کیا ہے کہ سوشل میڈیا میں نیتن یاہو کے حامیوں کی طرف سے جاری نفرت سے امریکی کانگریس پر ہونے والے حملے کی طرح کا حملہ ہونے کا خطرہ ہے جو مقبوضہ فلسطین میں اقتدار کی منتقلی کا رخ موڑ سکتا ہے۔
اسپوٹنک نیوز ایجنسی کی رپورٹ کے مطابق اسرائیلی وزیر اعظم بنیامین نیتن یاھو ، جو اپوزیشن اتحاد کے مقابلے میں خود کو اقتدار سے محروم ہونے کے دہانے پر دیکھ رہے ہیں ، بدامنی کو سیاسی میدان میں لانے کا آخری راستہ سمجھتے ہیں، اسی دوران یروشلم میں قابض حکومت کی داخلی سلامتی کی تنظیم شابک کے سربراہ ناداو ارگ مین نےتشویش کا اظہار کرتے ہوئے خبردار کیا ہے کہ سوشل میڈیا میں نیتن یاہو کے حامیوں اور مخالفین کے مابین کشمکش میں اضافہ ہورہاہے جو 6 جنوری کو امریکی کانگریس پرہونے والے حملے کی طرح کا حملہ ہونے کا سبب بنے گا۔

یادرہے کہ امریکی کانگریس پر حملے میں سابق امریکی صدر ڈونلڈ ٹرمپ کے حامی جو بائیڈن کو حلف برداری سے روکنا چاہتے تھےکہ ان کے اس اقدام سے واشنگٹن ڈی سی میں وسیع پیمانے پر انتشار پھیل گیا اور امریکی جمہوریت کے دعوے کی دھجیاں اڑادی گئیں۔

شابک کے سربراہ کا دعویٰ ہے کہ سوشل میڈیا پر تشدد کو بھڑکانا کچھ لوگوں کو نقصان پہنچانے کا سبب بن سکتا ہے،یادرہے کہ وہ نیتن یاہو کے خلاف اتحاد میں دائیں بازو کی یمینا پارٹی کے رہنما نفتالی بینیٹ اور ایلٹ شاکڈ کا ذکر کیا جاسکتا ہے۔

واضح رہے کہ آٹھ صہیونی جماعتوں کے رہنماؤں کے اتحاد کے قیام کے حتمی معاہدے کے تقریبا پانچ دن بعد جو ایک نئی کابینہ کی بنیاد بنائے گا اور نیتن یاہو کو 12 سال بعد وزیر اعظم کےعہدے سے بر طرف کر دے گا، جمعہ اور ہفتے کے روز نئے اتحاد میں شامل ہونے والے دائیں بازو کے متعدد سیاستدانوں کی مخالفت بنیامین نیتن یاہو کے سیکڑوں حامیوں نے ریلی نکالی ، اور نئی کابینہ کی تشکیل کو روکنے کے لئے ان کے تعاون کا مطالبہ کیا۔