سچ خبریں:شام میں غیر قانونی طور پر تعینات امریکی جارحیت پسندوں نے اس ملک کے وسائل سے مزید ایندھن کے53 ٹینکرز چرا لیے ہیں۔
شام کی سرکاری خبر رساں ایجنسی سانا کی رپورٹ کے مطابق امریکی قابض فوج نے شامی تیل کے 53 ٹینکروں کو عراق کی سرزمین میں منتقل کر دیا، جو انہوں نے ریف الحسکہ کے کنوؤں سے چرائے تھے۔
الحسکہ کے مقامی ذرائع نے خبر رساں ایجنسی سانا کو بتایا کہ یہ ٹینکرز المحمودیہ کراسنگ کے ذریعے غیر قانونی طور پر شمالی عراق میں داخل ہوئے،واضح رہے کہ غاصب امریکی فوج مسلسل اور منظم طریقے سے شام کے تیل کے ذخائر کو لوٹ کر عراق کے اندرونی علاقوں میں منتقل کر رہی ہے جب کہ خود شامی ایندھن کے شدید مسئلے سے دوچار ہیں۔
شامی حکومت نے بارہا کہا ہے کہ اس کے تیل کے کنوؤں تک رسائی ناممکن ہونے کی وجہ سے جو کہ امریکی افواج کے قبضے میں ہیں، وہ اپنے شہریوں کو توانائی کے حامل وسائل فراہم کرنے کے قابل نہیں ہے۔
یاد رہے کہ عراق میں شام میں امریکی غیر قانونی موجودگی کا ایک مقصد ان ممالک میں عدم استحکام پیدا کرنا ہے جس کے لیے وہ خطے میں سرگرم دہشتگردوں کی مکمل حمایت کرتا ہے اور دوسرا مقصد یہاں کے قدرتی وسائل کو لوٹنا ہے جس کی مثالیں آئیں دن ملتی رہتی ہیں جبکہ تیسرا مقصد خطے میں اپنی برتری جمانا جس میں وہ بری طرح ناکام ہو چکا ہے۔
