امریکی فوجی تابوت میں عراق سے جائیں گے:عراقی مزاحمتی تحریک

🗓️ 2 جنوری 2022

سچ خبریں:عراق کی بدر تنظیم کے ایک سینئر رکن نے ایک بیان میں کہا ہے کہ امریکی فوجی تابوت میں عراق سے جائیں گے۔
بغداد الیوم کی رپورٹ کے مطابق عراقی بدر تنظیم کے ایک سینئر رکن محمد الجوبیراوی نے عراق سے امریکی فوجیوں کے انخلاء کے بارے میں بات کی، رپورٹ کے مطابق عراقی بدر تنظیم کے سینئر رکن نے کہا کہ امریکی فوجیوں کو اب تابوت میں عراق سے جانا ہوگا،انھوں نے کہا کہ عراق سے امریکی فوجیوں کا مکمل انخلا مزاحمتی تحریک کے رہنماؤں کے اہم ترین مقاصد میں سے ایک ہے۔

محمد الجوبیراوی نے مزید کہاکہ امریکہ عراق کے لیے جو قیمت ادا کر رہا ہے وہ بہت زیادہ ہے جبکہ ان کا اپنی تمام افواج کے ساتھ ملک سے نکلنا اپنےوطن اور عراق کے لیے قربانیاں دینے والے شہداء اور قائدین کے انتقام کا ایک چھوٹا سا حصہ ہے۔

واضح رہے کہ غیر ملکی فوجیوں کے ملک چھوڑنے کی ضرورت سے متعلق عراقی پارلیمنٹ کی واضح قرارداد کو ناکام بنانے کے لیے امریکی حکام عراق میں اپنی افواج کے مشن کی نوعیت کو تبدیل کرنے کا معاملہ اٹھا رہے ہیں، اس سلسلہ میں امریکی کمانڈروں کا کہنا ہےکہ امریکی افواج کا مشن "لڑائی” سے "مشاورت” میں تبدیل ہو گیا ہے۔ اس طرح امریکی فوجی کمانڈر اور سیاسی رہنما عراقی سرزمین پر اپنی فوجی بقا کو قانونی جواز فراہم کرنے کا ارادہ رکھتے ہیں۔