امریکی طلباء کو فلسطین کی حمایت کرنے کی سزا

?️ 11 نومبر 2023

سچ خبریں: امریکی میڈیا نے ایک امریکی یونیورسٹی کے 20 فلسطینی حامی طلباء کی گرفتاری کی خبر دی ہے۔

امریکہ میں گزشتہ چار دنوں میں براؤن یونیورسٹی کے 20 طلباء کو گرفتار کیا گیا جو کہ فلسطینی حامی گروپوں کے رکن تھے۔

این بی سی نے دعویٰ کیا کہ ان طلباء کو یونیورسٹی کیمپس میں دھرنا دینے اور دفتر کی عمارت چھوڑنے سے انکار کرنے کے بعد گرفتار کیا گیا۔

یہ بھی پڑھیں: امریکہ فلسطینی بچوں کے قتل عام میں برابر کا شریک

طلباء نے مطالبہ کیا کہ براؤن یونیورسٹی غزہ میں جنگی جرائم کو ہوا دینے والی کمپنیوں پر پابندی لگا کر غزہ میں جنگ بندی کے لیے کردار ادا کرے۔

تازہ ترین رپورٹوں میں بتایا گیا ہے کہ غزہ میں صیہونی حکومت کے حملوں کے متاثرین کی تعداد 11 ہزار 78 شہید اور 27 ہزار 490 زخمی ہو گئی ہے،ان شہداء میں 4506 بچے، 327 خواتین اور 678 بزرگ شامل ہیں۔

غزہ میں حکومت کے میڈیا آفس نے بھی جمعہ کے روز اطلاع دی ہے کہ قابضین کی الشفاء میڈیکل کمپلیکس پر بمباری میں 13 فلسطینی شہید اور درجنوں زخمی ہوئے ہیں،اسرائیلی جنگی طیاروں نے صرف جمعہ کی صبح اس اسپتال کے فیلڈ کلینک پر 4 بار حملہ کیا۔

قابض فوج کے بکتر بند ٹینکوں نے الرینتیسی اور النصر بچوں کے اسپتالوں اور دو دیگر اسپتالوں کو چاروں طرف سے گھیر لیا ہے جو امراض چشم اور دماغی صحت کے شعبے میں سرگرم ہیں۔

مزید پڑھیں: فلسطینیوں کی نسل کشی میں امریکہ کا کردار

خبر رساں ذرائع کے مطابق ہزاروں مریض، اسپتال کا عملہ، طبی عملہ اور مہاجرین بغیر خوراک اور پانی کے اسپتالوں میں پھنسے ہوئے ہیں جنہیں ہر وقت موت کا خطرہ ہے۔