?️
سچ خبریں: امریکی سینیٹ میں ریپبلکنز نے ایران کے خلاف فوجی کارروائی ختم کرنے کی قرارداد کو 51 کے مقابلے 48 ووٹوں سے مسترد کر دیا، جبکہ جنگ کی لاگت 48.3 بلین ڈالر تک پہنچ گئی۔
یہ رواں سال پہلا موقع نہیں کہ ایسی قرارداد سینیٹ میں ووٹنگ کے لیے پیش کی گئی ہو، تاہم ڈیموکریٹس کو وسط مدتی انتخابات کے بعد امید تھی کہ اس بار وہ قرارداد منظور کروا سکیں گے، جن انتخابات میں بہت سے ووٹرز نے جنگ کی مخالفت کی بنیاد پر اس پارٹی کے امیدواروں کی حمایت کی تھی۔
یہ قرارداد 48 موافق و 51 مخالف ووٹوں سے مسترد ہو گئی۔ 3 ریپبلکن سینیٹرز بشمول مین ریاست کی سوزن کولنز، الاسکا کی لیزا مورکوفسکی اور کینٹکی کے رینڈ پال نے جو اس سے قبل بھی جنگ ختم کرنے کی ایسی قراردادوں کے حق میں ووٹ دے چکے تھے، اس بار بھی تقریباً تمام ڈیموکریٹ اراکین کے ساتھ ووٹ دیا۔
اس کے برعکس پنسلوانیا ریاست کے ڈیموکریٹ سینیٹر اور اسرائیل کے سخت حامی جان فیٹرمن واحد ڈیموکریٹ رکن تھے جنہوں نے اس قرارداد کے خلاف ووٹ دیا۔ شمالی کیرولائنا کے ریپبلکن سینیٹر ٹام ٹلیس نے جو ستمبر میں ایسی قرارداد کے حق میں ووٹ دے چکے تھے، اس بار اس کی مخالفت کی۔
ٹلیس نے اپنی پوزیشن کی تبدیلی کے بارے میں صحافیوں کے سوال کے جواب میں کہا کہ میں نے کچھ قراردادوں کی حمایت کی ہے۔ میرا مطلب ہے کہ آپ جانتے ہیں قراردادیں ایک دوسرے سے مختلف ہوتی ہیں۔ یہ قرارداد صدر کو پیش نہیں کی جاتی اور محض کانگریس کی جانب سے ایک بیان ہے۔ میں پہلے اپنا موقف واضح کر چکا ہوں اور اسے دوبارہ بیان کرنے کے لیے ڈیموکریٹس کی قرارداد کے حق میں ووٹ دینے کی ضرورت نہیں ہے۔
یہ منصوبہ جسے وار پاورز ریشولوشن کے نام سے جانا جاتا ہے، براہ راست عملی اثر کے بجائے زیادہ تر سیاسی موقف کے اظہار کی نوعیت رکھتا ہے۔ ڈیموکریٹس کا مقصد ریپبلکنز کو کھلے عام جنگ ختم کرنے کے خلاف ووٹ دینے پر مجبور کرنا تھا، تاہم قرارداد منظور ہونے کی صورت میں بھی ممکنہ طور پر ٹرمپ اس پر دستخط نہ کرتے۔
جمعرات کی ووٹنگ نومبر کے وسط مدتی انتخابات کے بعد پہلا موقع تھا کہ کانگریس کے دونوں ایوانوں میں سے کسی نے اختیارات جنگ قرارداد پر ووٹنگ کی ہو۔
ایوان نمائندگان نے بھی ستمبر کے وسط میں ایسی قرارداد جو میساچوسٹس ریاست کے ڈیموکریٹ نمائندے سیٹ مولٹن کی پہل پر پیش کی گئی تھی، 220 موافق و 204 مخالف ووٹوں سے منظور کی تھی۔ اس ووٹنگ میں 7 ریپبلکن نمائندوں نے ڈیموکریٹس کے ساتھ مل کر ایران کے خلاف ٹرمپ کے فوجی اقدامات کو محدود کرنے کا مطالبہ کیا تھا۔
سینیٹ میں اختیارات جنگ پر ووٹنگ ایسے حالات میں ہوئی جب اکتوبر سے اب تک جنگ کی لاگت میں اضافہ ہوا ہے۔
پینٹاگون کے بجٹ اور فنڈز کے امور کے نائب ذمہ دار آرتھر ملر نے جمعرات کو سینیٹ کی مسلح افواج کمیٹی کے اجلاس میں کنیکٹیکٹ ریاست کے ڈیموکریٹ سینیٹر رچرڈ بلومینتھل سے کہا کہ ایران کے خلاف جنگ کی اپ ڈیٹ شدہ لاگت 13 نومبر تک 48.3 بلین ڈالر تک پہنچ چکی ہے۔
Short Link
Copied


مشہور خبریں۔
100 سے زائد این جی اوز نے غزہ کی صورتحال پر خطرے کی گھنٹی بجا دی
?️ 23 جولائی 2025سچ خبریں: غزہ میں بھوک کا بحران شدت اختیار کرنے کے ساتھ
جولائی
عراق کے انتخابات اس ملک کی سیاست میں تبدیلی لاسکتے ہیں؟
?️ 27 جون 2021سچ خبریں:عراقی حکومت نے گذشتہ سال دسمبر کے آخر میں وزیر اعظم
جون
روس کا سینئر انٹیلی جنس افسر: امریکہ اور اسرائیل ایران میں غلط حساب میں مبتلا ہو گئے
?️ 14 مئی 2026سچ خبریں: روس کی خارجہ انٹیلی جنس سروس کے ڈائریکٹر نے کہا
مئی
انتخابات کی تاریخ نہ دینے پر گورنر خیبر پختونخوا کے خلاف توہین عدالت کی درخواست
?️ 20 مارچ 2023اسلام آباد: (سچ خبریں) پاکستان تحریک انصاف نے خیبرپختونخوا میں عام انتخابات
مارچ
آسیہ اندرابی کو عمر قید کشمیری قیادت کی آواز دبانے کی کوشش ہے۔ مشعال ملک
?️ 25 مارچ 2026اسلام آباد (سچ خبریں) حریت رہنما یاسین ملک کی اہلیہ مشعال ملک
مارچ
عراقی قبائل کا سعودی سرمایہ کاری کے خلاف مظاہرہ
?️ 27 مارچ 2022سچ خبریں:عراق کے صوبہ المثنی میں اس ملک کے قبائل نے السماوا
مارچ
بحرین کے عوام امریکی اڈوں کے مخالف ہیں
?️ 14 مئی 2026 سچ خبریں: بحرین کی تحریک ‘اتحادِ نوجوانانِ انقلاب 14 فروری’ کی سیاسی
مئی
غزہ جنگ میں ہمیشہ کے لیے معذور ہونے والے صیہونی فوجی
?️ 5 جنوری 2024سچ خبریں: 3ماہ گزرنے کے باوجود غزہ کے مختلف علاقوں پر صیہونی
جنوری