امریکی ایوان نمائندگان بھی یوکرینی عام شہریوں کے قتل عام میں شریک

?️ 14 جولائی 2023

سچ خبریں: امریکی ایوان نمائندگان نے یوکرین کو کلسٹر بم بھیجنے پر پابندی کی تجویز کو کثرت رائے سے مسترد کر دیا۔

روئٹرز خبر رساں ادارے کی رپورٹ کے مطابق امریکی ایوان نمائندگان نے قومی دفاعی بجٹ میں ترمیم کا بل مسترد کر دیا ہے جو منظور ہونے کی صورت میں یوکرین کو کلسٹر بم بھیجنے پر پابندی عائد کی جانا تھی۔

اعلان کردہ نتائج کے مطابق 276 نمائندوں نے اس منصوبے کی مخالفت کی اور 147 نمائندوں نے اس کی منظوری کے دفاع میں ووٹ دیا۔

یہ بھی پڑھیں: ترکی نے یوکرین کو کلسٹر بم دیا: خارجہ پالیسی کا دعویٰ

یاد رہے کہ اس سے قبل بھی امریکی ایوان نمائندگان نے مالی سال 2024 کے قومی دفاعی بل میں متعدد قانون سازوں کی طرف سے تجویز کردہ ترامیم کو مسترد کر دیا تھا، جس کے مطابق یوکرین کو دی جانے والی امریکی فوجی امداد کو کم یا مکمل طور پر روک دیا جانا تھا۔

درایں اثنا Tavria مشترکہ افواج کے آپریشن کے کمانڈر جنرل الیگزینڈر ترناوسکی نے کہا کہ ہمیں ابھی ابھی یہ (کلسٹر بم) ملے ہیں، ہم نے ابھی تک ان کا استعمال نہیں کیا ہے، لیکن وہ میدان جنگ کی صورت حال کو بنیادی طور پر بدل سکتے ہیں۔

انہوں نے دعویٰ کیا کہ دشمن بھی سمجھتا ہے کہ یہ گولہ بارود لینے سے ہمیں فائدہ ہوگا لہذ وہ ہماری سر زمین کا وہ حصہ چھوڑ دے گا جس کے بارے میں اسے خوف ہوگا کہ وہاں یہ گولہ بارود استعمال کیا جا سکتا ہے۔

مزید پڑھیں:تیسری عالمی جنگ کون شروع کرے گا؟

واضح رہے کہ میڈیا کی قیاس آرائیوں کے بعد، امریکی صدر جو بائیڈن نے گزشتہ ہفتے کو سی این این کو دیے جانے والے اپنے ایک انٹرویو میں باضابطہ طور پر تصدیق کی کہ ملک نے پہلی بار یوکرین کی فوج کو متنازعہ کلسٹر ہتھیاروں کی فراہمی کی منظوری دی ہے۔