امریکہ کی جانب سے عراق کے نائب وزیر تیل پر پابندی عائد 

سچ خبریں: امریکی محکمہ خزانہ نے جمعرات کو عراق کے ایک سینئر سرکاری اہلکار اور ملک میں موجود مزاحمتی گروپوں کے کمانڈروں کے خلاف پابندیوں کا ایک نیا دور شروع کیا ہے۔

یہ اقدام واشنگٹن کی جانب سے ایران اور عراقی مزاحمتی گروپوں کو مالی اور لاجسٹک سپورٹ فراہم کرنے کے الزام میں کیا گیا ہے۔

ان پابندیوں کے مرکز میں عراق کے معاون وزیر تیل علی معارج البہادلی ہیں۔ امریکی محکمہ خزانہ نے ان پر الزام عائد کیا ہے کہ انہوں نے اپنے سرکاری عہدے کا غلط استعمال کرتے ہوئے عراق کی تیل کی غیر قانون فروخت اور ترسیل کا راستہ ہموار کیا تاکہ اس سے ہونے والا منافع ایران اور تہران کے حامی عراقی گروپوں تک پہنچایا جا سکے۔

تجزیہ کاروں کا کہنا ہے کہ امریکی اقدام مزاحمتی محور میں شگاف ڈالنے کے لیے اس ملک کی حکمت عملی کا حصہ ہے۔

معاون وزیر تیل کے علاوہ، عراق کے تین سینئر مزاحمتی رہنماؤں کے نام بھی پابندیوں کی فہرست میں شامل کیے گئے ہیں۔ یہ افراد کتائب سید الشہداء اور عصائب اہل الحق جیسے گروپوں کے اعلیٰ کمانڈر ہیں۔

امریکا کا کہنا ہے کہ یہ اقدام حکومت ٹرمپ کی اقتصادی غضب (Economic Fury) پالیسی کا حصہ ہے جس کا مقصد خطے میں ایران کے مالی وسائل کو خشک کرنا ہے۔

امریکا نے اقتصادی غضب کا نام حالیہ جنگ میں ایران کے خلاف کارروائیوں سے متاثر ہو کر منتخب کیا ہے۔ واشنگٹن اس سے قبل ایران کے خلاف اپنی اقتصادی پابندیوں کو زیادہ سے زیادہ دباؤ کی پالیسی کا حصہ قرار دیتا تھا۔ تجزیہ کاروں نے کہا ہے کہ وہ پالیسی ایران کے خلاف ناکام ہو چکی ہے۔