امریکہ کا روس کو سکیورٹی کونسل سے نہ نکالنے کا فیصلہ

?️ 7 اپریل 2022

سچ خبریںامریکہ نے یوکرینی صدر کے روس کو سکیورٹی کونسل سے نکالنے کے مطالبے کو مسترد کرتے ہوئے کہا کہ روس کو اس ادارے سے نکالا نہیں جاسکتا۔
امریکہ نے روس کو سکیورٹی کونسل سے نکالنے کے یوکرائن کے صدر زلنسکی کے مطالبہ کو مسترد کرتے ہوئے کہا ہے کہ ہم روس کو سکیورٹی کونسل سے نہیں نکال سکتے،رپورٹ کے مطابق اقوام متحدہ میں امریکہ کی نمائندہ لینڈا توماس گرینفیلڈ نے ایم ایس این بی سی کے ساتھ گفتگو کرتے ہوئے کہا ہے کہ روس کو سکیورٹی کونسل سے نکالنا ممکن نہیں ہے۔

انہوں نے کہا کہ دوسری عالمی جنگ کے بعد سکیورٹی کونسل کو اقوام متحدہ نے تشکیل دیا اوراس وقت سے روس سکیورٹی کونسل کا رکن ہے یہ ایک ایسی حقیقت ہے جسے امریکہ بدل نہیں سکتا، یاد رہے کہ اس سے قبل یوکرائن کے صدر زلنسکی نے سکیورٹی کونسل کو تحلیل کرنے یا روس کو سکیورٹی کونسل سے نکالنے کا مطالبہ کیا تھا، زلنسکی نے مغربی ممالک کی حمایت میں روس پر بوچا شہر میں جنگي جرائم کے ارتکاب کا بھی الزام عائد کیا۔

واضح رہے کہ یوکرائن کے صدر کے اس الزام کو روس پہلے ہی مسترد کرتے ہوئے کہہ چکا ہے کہ اس نے یوکرائن میں عام شہریوں کو ہلاک نہیں کیا اور نہ ہی غیر فوج تنصیبات کو نشانہ بنایا ہے۔