امریکہ میں ایک نئی میڈیا سلطنت کا ظہور ایلیسن کون ہیں اور کیا کر رہے ہیں؟

امریکہ میڈیا

?️

امریکہ میں ایک نئی میڈیا سلطنت کا ظہور ایلیسن کون ہیں اور کیا کر رہے ہیں؟
عالمی میڈیا رپورٹس کے مطابق امریکی ارب پتی تاجر لیری ایلیسن  اور ان کے بیٹے ڈیوڈ ایلیسن ،  صدر ڈونلڈ ٹرمپ کے قریبی اتحادی تصور کیے جاتے ہیں، تیزی سے امریکی میڈیا کی دنیا میں اپنی جڑیں مضبوط کر رہے ہیں۔ باپ بیٹا اب نہ صرف "ٹک ٹاک” میں سرمایہ کاری کر رہے ہیں بلکہ ٹی وی چینلز، فلم اسٹوڈیوز اور ڈیجیٹل پلیٹ فارمز کو ملا کر ایک نئی میڈیا ایمپائر تشکیل دینے کے قریب ہیں۔
امریکہ اور چین کے درمیان ٹک ٹاک پر تنازعہ برسوں سے جاری ہے۔ بظاہر واشنگٹن اس ایپ کو قومی سلامتی کے لیے خطرہ قرار دیتا ہے، مگر ماہرین کے مطابق اصل مسئلہ چین کے بڑھتے ہوئے نرم طاقت کے اثرات ہیں۔ امریکی حکومت طویل عرصے سے فیس بک، یوٹیوب اور دیگر مقامی پلیٹ فارمز کے ذریعے عالمی سطح پر بیانیہ کنٹرول کرتی آئی ہے، لیکن ٹک ٹاک کے عالمی عروج نے اس تسلط کو چیلنج کر دیا ہے۔
تازہ اطلاعات کے مطابق امریکہ اور چین کے درمیان ہونے والے عبوری معاہدے کے تحت ایک نیا امریکی ادارہ تشکیل دیا جائے گا، جس میں چینی کمپنی ByteDance کا حصہ ۲۰ فیصد سے کم ہوگا۔ باقی حصص امریکی کمپنیوں، مثلاً Oracle (جس کے مالک لیری ایلیسن ہیں)، Silver Lake اور Andreessen Horowitz کو دیے جائیں گے۔
یہی وہ مقام ہے جہاں ایلیسن خاندان کا کردار مرکزی بن جاتا ہے۔ لری ایلیسن کے ذریعے Oracle کو ٹک ٹاک کے امریکی آپریشنز میں حصہ ملے گا، جبکہ ڈیوڈ ایلیسن ہالی وڈ کی بڑی کمپنی Skydance کو Paramount کے ساتھ ضم کر کے CBS جیسے بڑے ٹی وی نیٹ ورکس پر کنٹرول حاصل کر چکے ہیں۔
واشنگٹن پوسٹ کی رپورٹ کے مطابق لری ایلیسن، جو کبھی ایلان مسک سے بھی زیادہ دولت مند قرار دیے گئے، طویل عرصے سے ٹرمپ کے مالی و سیاسی حامی ہیں۔ حالیہ رپورٹس میں یہ دعویٰ بھی کیا گیا ہے کہ ٹرمپ کی انتخابی مہم کو CBS نیٹ ورک پر مفت اشتہارات کی سہولت دی گی، جس سے ان کی 2025 کی مہم کو غیر معمولی فائدہ ہوا۔
دوسری جانب، ۴۲ سالہ ڈیوڈ ایلیسن، جو ہالی وڈ میں فلمی پروڈیوسر کے طور پر جانے جاتے ہیں، اب میڈیا کی دنیا میں تیزی سے ابھر رہے ہیں۔ وہ وارنر برادرز ڈسکوری  کو خریدنے کے لیے بھی تیاریاں کر رہے ہیں، جو HBO اور CNN جیسے معروف اداروں کے مالک ہیں۔ اگر یہ ڈیل مکمل ہو گئی تو ایلیسن خاندان امریکی میڈیا کا سب سے طاقتور خاندان بن جائے گا۔
امریکی سینیٹر ایڈورڈ مارکی کے مطابق، "ٹک ٹاک پر پابندی کی اصل وجہ قومی سلامتی نہیں بلکہ امریکی میڈیا میں طاقت کی ازسرِنو تقسیم ہے۔
تجزیہ کاروں کا کہنا ہے کہ اگر یہ رجحان جاری رہا تو ایلیسن خاندان نہ صرف فلم، ٹی وی اور سوشل میڈیا پر اثر انداز ہوگا بلکہ امریکی عوامی رائے اور سیاسی بیانیے پر بھی گہرا اثر ڈال سکتا ہے۔

مشہور خبریں۔

حکومت رواں ماہ کامیاب پاکستان پروگرام متعارف کرائے گی

?️ 4 جولائی 2021اسلام آباد(سچ خبریں) حکومت نے رواں ماہ اصولی طور پر ‘کامیاب پاکستان

حماه؛ شہر پر شام کی فوج کا کنٹرول

?️ 4 دسمبر 2024سچ خبریں:شامی شہر حماه میں صورتحال میں امن کی خبریں آئیں ہیں،

سلامتی کونسل عالمی ادارہ ہے یا امریکی؟ ثبوت

?️ 11 جنوری 2024سچ خبریں: اقوام متحدہ کی سلامتی کونسل نے غزہ کی پٹی میں

عالمی برادری اسرائیلی قبضے کے خاتمے کے لیے اقدامات کرے

?️ 27 مارچ 2023سچ خبریں:سعودی وزارت خارجہ نے ہفتے کے روز ایک بیان جاری کیا

ترکی کے انتخابات کے نتائج کو معین کرنے والے عوامل کا تجزیہ

?️ 29 مئی 2023سچ خبریں:آج صباح اخبار میں شائع ہونے والے ایک مضمون میں، ترک

فیصل قریشی کی صاحبزادی نے شوبز انڈسٹری میں قدم رکھ دیے

?️ 27 فروری 2023کراچی: (سچ خبریں) سینیئر اداکار، پروڈیوسر و میزبان فیصل قریشی کی بڑی

بجٹ دستاویزات پر وزیر خزانہ کا رد عمل سامنے آگیا

?️ 22 جون 2021اسلام آباد(سچ خبریں) 24 جون کو شیڈول اختتامی خطاب کا انتظار کیے

آگ سے کھیلنا بند کرؤ:شام کا صیہونیوں کو انتباہ

?️ 7 ستمبر 2022سچ خبریں:حال ہی میں شام پر صیہونی حکومت کے حملوں کا دائرہ

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے