امریکہ دوسرے ممالک کے معاملات میں مداخلت کرنے میں ماہر ہے:چین

?️ 10 جون 2023

سچ خبریں:چینی وزارت خارجہ کے ترجمان نے کیوبا میں الیکٹرانک مواصلاتی آلات کی تعیناتی کے لیے چین اور کیوبا کے درمیان خفیہ معاہدے کے بارے میں وال اسٹریٹ جرنل کی حالیہ رپورٹ پر ردعمل کا اظہار کرتے ہوئے کہا کہ امریکہ دوسرے ممالک کے اندرونی معاملات میں مداخلت کا ماہر ہے۔

چینی وزارت خارجہ کے ترجمان وانگ وینبِن نے کیوبا میں الیکٹرانک مواصلاتی آلات کی تعیناتی کے لیے چین اور کیوبا کے درمیان خفیہ معاہدے کے بارے میں امریکی اخبار وال اسٹریٹ جرنل کی رپورٹ کی تردید کی۔

واضح رہے کہ وال سٹریٹ جرنل نے اپنی ایک رپورٹ میں دعویٰ کیا کہ بیجنگ امریکہ کی جنوبی ریاست فلوریڈا سے 160 کلومیٹر دور الیکٹرانک مواصلاتی آلات نصب کرنے کا ارادہ رکھتا ہے تاکہ پورے جنوب مشرقی امریکہ میں جہاں بڑی تعداد میں امریکی فوجی اڈے موجود ہیں۔ امریکی جہازوں کی ٹریفک کی نگرانی کر سکے۔

وینبِن نے اس بات پر زور دیتے ہوئے کہ انہیں اس طرح کے پروگرام کا کوئی علم نہیں ،کہا کہ امریکہ کو دوسرے ممالک کے اندرونی معاملات میں مداخلت کرنے کی اچھی مہارت حاصل ہے۔

انہوں نے مزید کہا کہ امریکہ نے طویل عرصے سے خفیہ سرگرمیوں کے لیے کیوبا کے گوانتاناموبے پر غیر قانونی طور پر قبضہ کر رکھا ہے اور کیوبا پر 60 سال سے زائد عرصے سے اقتصادی ناکہ بندی کر رکھی ہے۔

وال اسٹریٹ جرنل کی گزشتہ ہفتے کی رپورٹ میں وائٹ ہاؤس کے حکام کا ردعمل بھی سامنے آیا ہے، جیسا کہ وائٹ ہاؤس کی سپریم نیشنل سکیورٹی کونسل کے اسٹریٹجک کمیونیکیشن کے کوآرڈینیٹر جان کربی نے جمعرات کو ایم ایس این بی سی نیوز چینل کو دیے جانے والے ایک انٹرویو میں کہا کہ وال سٹریٹ جرنل کی چینی وائر ٹیپنگ تنصیبات کی میزبانی کے لیے کیوبا کی رضامندی سے متعلق رپورٹ درست نہیں ہے۔

کیوبا کے وزیر خارجہ کارلوس فرنانڈیز ڈی کیسیو نے بھی وال اسٹریٹ جرنل کی معلومات کو مکمل طور پر جعلی اور بے بنیاد قرار دیتے ہوئے ان الزامات کو خود ساختہ قرار دیا۔