سچ خبریں:عراقی الحشد الشعبی تنظیم کے سربراہ نے ایک تقریر میں کہا کہ اس مزاحمتی گروپ کی فوج نے اربعین حسینی کی تقریب کو محفوظ بنانے میں اہم کردار ادا کیا۔
بغداد الیوم کی رپورٹ کے مطابق عراقی الحشد الشعبی تنظیم کے سربراہ فالح الفیاض نے اربعین حسینی کی تقریب میں شامل لاکھوں زائرین کو محفوظ بنانے میں اس مزاحمتی گروپ کی فوج کے کردار کے بارے میں بات کی۔
رپورٹ کے مطابق عراقی الحشد الشعبی کے سربراہ نے اس حوالے سے بیان کیاکہ حقیقت یہ ہے کہ الحشد الشعبی فورسز نے اربعین حسینی کی تقریب میں شرکت کرنے والے لاکھوں زائرین کو محفوظ بنانے میں نہایت ہی اہم کردار ادا کیا۔
واضح رہے کہ قبل ازیں عراقی وزیر اعظم مصطفی الکاظمی نے کربلا کے سکیورٹی کمانڈروں کے ساتھ ایک ملاقات میں اربعین حسینی کےزائرین کی حفاظت کی ضرورت پر زور دیتے ہوئے کہاکہ زائرین کی خدمت کرنا ایک بہت بڑا کام ہے۔
حال ہی میںکربلا آپریشن ہیڈ کوارٹر کے کمانڈر علی الہاشمی نے اعلان کیا کہ اربعین حسینی تقریب کو محفوظ بنانے میں عراقی فوج ، پولیس ، الحشد الشعبی اور انٹیلی جنس سروسز کے ہزاروں فوجی شامل ہیں،دوسری جانب کربلا پولیس کمانڈر احمد الزوینی نے صوبہ کربلا میں سکیورٹی پلان شروع کرنے کا اعلان کیا، اس سلسلے میں انہوں نے کہا کہ اربعین حسینی کے موقع پر کربلا میں اکٹھے ہونے والے لاکھوں زائرین نے انٹیلی جنس اور سکیورٹی اداروں کی کوششوں کے نتیجہ میں پر امن طور پر زیارت کی جو ایک بڑا کام تھا اور ہمیں اس پر فخر ہے۔
