افغان حکام کا کابل میں موبائل چیک پوسٹوں کا قیام

?️ 31 جولائی 2021

سچ خبریں:افغان سکیورٹی فورسز نے اس ملک کے دارالحکومت کابل میں سکیورٹی کو مضبوط بنانے کے لیے متعدد موبائل چوکیاں قائم کی ہیں۔
اسپوٹنک نیوز ایجنسی کی رپورٹ کے مطابق افغان سکیورٹی فورسز نے کابل میں متعدد موبائل چوکیاں قائم کی ہیں تاکہ شہر کے مرکز اور تمام بڑی سڑکوں پر گاڑیوں کا معائنہ کیا جا سکے اور ساتھ ہی کاغذات کا جائزہ بھی لیا جائے۔

واضح رہے کہ ان میں سے کئی موبائل چوکیاں بھاری ہتھیاروں اور بکتر بند گاڑیوں سے لیس ہیں، قابل ذکر ہے کہ افغانستان سے غیر ملکی فوجیوں کے انخلا کے ساتھ ہی اس ملک میں پرتشدد جھڑپوں کی شرح اس حد تک بڑھ گئی ہے کہ اقوام متحدہ کی فراہم کردہ معلومات کے مطابق 2021 کے پہلے نصف حصے میں ہلاک یا زخمی ہونے والے افغان عام شہریوں کی تعداد 5183 سے تجاوز کر گئی ہے۔

دریں اثنا ، طالبان نے افغانستان کے نواحی علاقوں کے بڑے حصوں کا کنٹرول سنبھال لیا ہے جس کی بنا پر متعدد تجزیہ کاروں کا کہنا ہے کہ کہیں ایسا تو نہیں کہ امریکہ اور طالبان کی ملی بھگت سے یہ سب کچھ ہورہا ہے اس لیے کہ امریکہ جو بیس سال پہلے اس ملک میں طالبان کاخاتمہ کرنے کے بہانے داخل ہوا جہاں اس نے بے دریغ نہتے عام شہریوں کا خون بہایا اور دو دہائیوں تک انھیں اپنا گلام بنائے رکھا اب اسی ملک کو دوبارہ طالبان کے حوالے کرکے جارہا ہے جس سے بہت سارے سوالات کھڑے ہوئے ہیں اور امریکی انخلا کو شک کی نظروں سے دیکھا جارہا ہے۔