اسلامی ممالک کو آیت اللہ خامنہ ای جیسے رہنما کی ضرورت ہے:جرمنی کے عالم دین

?️ 9 فروری 2021

سچ خبریں:جرمنی کے شہر فرینکفرٹ میں موجود مسجد امام مہدی کے امام جماعت نے کہا ہے کہ آج اسلامی ممالک کو آیت اللہ خامنہ ای جیسے مدیر اور مدبر کی ضرورت ہے کہ جو جوانوں کو استقامت اور خودکفیل ہونے کی ہمت دلائے۔

اسلامی انقلاب کی بیالیسویں سالگرہ کے موقع پر منعقدہ ویبنیار سے گفتگو کرتے ہوئے جرمنی کے شہر فرینکفرٹ میں موجود مسجد امام مہدی کے امام جماعت حجت الاسلام مشکور کابلی نے کہا کہ اسلامی جمہوریہ ایران نے اسلامی انقلاب کے بعد علوم و فنون کے میدان میں خاطر خواہ کامیابیاں حاصل کیں اور علوم و فنون کی سرحدوں کو چھو لیا، اسوقت ایران ایٹمی ٹیکنالوجی کے میدان میں خودکفیل ہے اور دفاعی اور میزائیلی صنعت میں اس کا شمار دنیا کے گنے چنے ممالک میں ہوتا ہے۔

انہوں نے کہا کہ جب اسلامی جمہوریہ ایران خود اعتمادی کے ذریعے ایسا اقتدار حاصل کرسکتا ہے تو دوسرے ممالک کے لئے بھی یہ عمل چارہ ساز ثابت ہوسکتا ہے، لیکن خواب غفلت کے شکار افراد کبھی بھی خود اعتمادی حاصل نہیں کرسکتے، آج وہی قومیں آزادی حاصل کرسکتی ہیں کہ جو اپنے مستقبل کو سنوارنے کے لئے دن رات جدوجہد کیا کرتی ہیں۔