اسرائیلی قیدیوں کا تابوت 7 اکتوبر کی شکست کی نشانی

سچ خبریں: اسرائیلی مصنف ایلون عیدان نے عبرانی اخبار Haaretz کے اداریے میں لکھا ہے کہ یہ صورتحال نیتن یاہو کی کابینہ کی جانب سے ان لوگوں کو چھوڑنے اور انہیں بھول جانے کا نتیجہ ہے۔

انہوں نے مزید کہا کہی اسرائیلی رائے عامہ پر حاوی ہونے والا شدید غم صرف 7 اکتوبر کو ہی نہں ہوا بلکہ اس کے بعد کے دنوں، ہفتوں اور مہینوں میں بھی جاری رہا اور اس کی وجہ حکومت کی پیش رفت اور صورتحال سے  بے توجہی ہے۔

اس اسرائیلی مصنف نے اس بات پر بھی زور دیا کہ اسرائیلی حکومت کے وزیر اعظم بنجمن نیتن یاہو نے جنگ جاری رکھنے کی پالیسی پر عمل درآمد پر اصرار کیا تھا اور یہی وجہ ہے کہ آج تل ابیب میں جو تابوت آرہے ہیں وہ فیصلے کرنے میں حکام کی نااہلی کو ظاہر کرتے ہیں۔

فلسطینی ذرائع ابلاغ نے اس سے قبل اطلاع دی تھی کہ فلسطینی مزاحمت نے آج غزہ کی پٹی میں مارے گئے چار صہیونی قیدیوں کی لاشیں ریڈ کراس کے حوالے کر دی ہیں۔ یہ قیدی صہیونی فوج کی غزہ کی پٹی پر بمباری کے نتیجے میں مارے گئے۔

غزہ کی پٹی میں تحریک حماس کے سربراہ خلیل الحیہ نے اعلان کیا ہے کہ جنگ بندی کے مذاکرات کے دوسرے مرحلے کی پیش کش کے طور پر حماس نے جمعرات کو چار صہیونی قیدیوں کی لاشیں حوالے کرنے کا فیصلہ کیا ہے جن میں بیباس خاندان سے تعلق رکھنے والے افراد بھی شامل ہیں۔ صہیونی قیدیوں کی باقی لاشیں معاہدے کے مطابق معاہدے کے نفاذ کے چھٹے ہفتے میں پہنچائی جائیں گی۔ انہوں نے یہ بھی اعلان کیا کہ اگلے ہفتے کے روز حماس 6 زندہ صہیونی قیدیوں کو رہا کرے گی جن میں ہشام السید اور ابراہم مینجسٹو شامل ہیں۔