اسرائیلی فوج کے آپریشنز میں 20 قیدی ہلاک 

سچ خبریں:  ہارٹز اخبار نے جمعہ کے روز اپنے تازہ شمارے میں اس کا اعتراف کیا۔ کہ غزہ پٹی میں اسرائیلی فوج کے اندھا دھند آپریشنز نے وہاں موجود تمام 54 اسرائیلی قیدیوں کی جانوں کو خطرے میں ڈال دیا ہے، جبکہ کم از کم 20 قیدی ان حملوں میں ہلاک ہو چکے ہیں۔

رپورٹ کے مطابق، ایک ہفتہ قبل اسرائیلی جنگی طیاروں نے ایک سرنگ کو نشانہ بنایا جس میں تین اسرائیلی قیدی موجود تھے۔ یہ بمباری اس وقت کی گئی جب اسرائیلی فضائیہ کے کمانڈر نے دعویٰ کیا تھا کہ فضائی حملوں کے فیصلوں میں قیدیوں کو محفوظ رکھنا ان کی اولین ترجیح ہے۔ ان کے بقول، اسرائیل جانتا ہے کہ قیدی کہاں ہیں، لیکن یہ حملے ثابت کرتے ہیں کہ اسرائیلی فوج غزہ پٹی میں اندھا دھند کارروائی کر رہی ہے اور جنگ کے مخالفین کے اجلاس میں کیے گئے دعوؤں کے برعکس، اسرائیل قیدیوں کو ہی نشانہ بنا رہا ہے۔

رپورٹ میں بتایا گیا ہے کہ 601 دنوں سے جاری جنگ کے دوران اسرائیلی فوج کے آپریشنز نے 54 اسرائیلی قیدیوں کی جانوں کو بار بار خطرے میں ڈالا ہے، جس کا نتیجہ یہ نکلا کہ اب تک کم از کم 20 قیدی ہلاک ہو چکے ہیں۔ حماس کی قید سے رہا ہونے والے کئی اسرائیلیوں کے بیانات کے مطابق، کم از کم 8 قیدیوں نے تصدیق کی ہے کہ غزہ پٹی میں ان کی رہائش گاہ پر ایک بار سے زائد حملہ کیا گیا۔

یہ رپورٹ اس وقت سامنے آئی ہے جب صیہونی قیدیوں کے اہل خانہ بار بار زور دے چکے ہیں کہ اسرائیلی کابینہ کا غزہ پٹی میں رویہ ان کے بچوں کو رہا کرانے کے بجائے جان بوجھ کر انہیں مارنے کی کوششوں کو ظاہر کرتا ہے۔