دنیا

اسرائیلی فوج کی حیرت انگیز مشق کی وجہ ؟

11
اگست

?️ 11 اگست 2025

سچ خبریں: اتوار کو صیہونی حکومت کی فوج نے ایک حیرت انگیز فوجی مشق کا آغاز کیا ہے، جس کا مقصد آرمی ہیڈکوارٹر اور کمانڈ سنٹرز کی تیاریوں کا جائزہ لینا بتایا گیا ہے۔

واضح رہے کہ یہ مشق صیہونی حکومت کے مسلح افواج کے چیف آف اسٹاف ایال زمیر کے حکم پر کیا گیا ہے، جس کا مقصد فوج کی فوری تیاری اور بڑے پیمانے پر حملوں کا مقابلہ کرنے کی صلاحیتوں کا اندازہ لگانا ہے۔

صیہونی فوج کے ترجمان کے مطابق، یہ حیرت انگیز مشق آج صبح 5:30 بجے شروع ہوا، جس میں آرمی ہیڈکوارٹر اور اسرائیلی فوج کی اہم کمانڈز کی چوکسی اور تیاری کا ٹیسٹ لیا جا رہا ہے۔

ترجمان نے بتایا کہ اس مشق میں مختلف محاذوں پر کئی حقیقت پسندانہ منظرناموں کو شامل کیا گیا ہے، جس میں 7 اکتوبر کے واقعات سے حاصل ہونے والے سبق کو بھی مدنظر رکھا گیا ہے۔ اس میں اسرائیلی فوج کے زیادہ تر یونٹس اور کمانڈز، بشمول خصوصی دستے، شامل ہیں۔

ترجمان نے مزید کہا کہ صیہونی فوج کے چیف آف اسٹاف نے سپریم کمانڈ ہیڈکوارٹر کا دورہ کیا اور حالات کا جائزہ لیا، جبکہ فضائی اور بحری فوج کے کمانڈرز کے ساتھ تیاریوں پر بھی تبادلہ خیال کیا۔

انہوں نے یہ بھی بتایا کہ اس مشق میں پیچیدہ منظرناموں کو آزمایا گیا، جس کا مقصد فوج کی تیاری کی سطح، عام سے ہنگامی حالت میں منتقلی، اور اعلیٰ کمانڈرز کی کارکردگی کا تجزیہ کرنا تھا۔

Short Link

Copied