آیت اللہ سیستانی کی پوپ کے سامنے بے مثال شجاعت ؛فلسطینی قلمکار

?️ 8 مارچ 2021

سچ خبریں:ایک فلسطینی قلمکار نے کیتھولک دنیا کے رہنما کے سامنے فلسطین کی حمایت میں عراقی شیعوں کے مرجع عالی قدر آیت اللہ سیستانی کے موقف کا سراہنا کیا۔
المعلومہ نیوز ایجنسی کی رپورٹ کے مطابق فلسطینی قلمکارعبد اللہ السلامی نے عراق میں شیعوں کے مرجع عالی قدر آیت اللہ سید علی سیستانی کے کیتھولک رہنما پوپ فرانسس سے ملاقات کے دوران دیئے گئے ریمارکس پر رد عمل کا اظہار کرتے ہوئے کہا کہ حقیقت یہ ہے کہ نجف اشرف میں شیعوں کے مرجع عالی قدر نے عیسائی رہنماء سے ملاقات کے دوران فلسطین کے مسئلے کی نشاندہی کی ، السلامی نے کہاکہ یہ مؤقف فلسطین کے مسئلے سے شیعوں کے اعلی دین رہنماؤں کی یکجہتی اور عظیم شجاعت کو ظاہر کرتا ہے اور ہمیں اس پر فخر ہے جبکہ عرب حکومتیں اپنی قوموں کے ساتھ ٹھیک اس کا الٹا کرنے کی کوشش کر رہی ہیں۔

انہوں نے زور دے کر کہاکہ نجف اشرف میں مرجع عالی قدر کے بیان نے عرب حکومتوں کے جھوٹے دعوؤں کے چہرے سے نقاب ہٹا دیا اور فلسطین کے مسئلے کے لئے ان حکومتوں کی جھوٹی حمایت کو بے نقاب کردیا، السلامی نے مزید کہاکہ یقینا مسئلہ فلسطین اور فلسطینی عوام کے لیے عراق کی حمایت کوئی نئی بات نہیں ہے اور ہم عراقیوں کے بارے میں عرب حکومتوں کے منفی موقف پر شرمندہ ہیں۔

انھوں نے کہا کہ یہ کوئی ڈھکی چھپی بات نہیں ہے کہ نجف اشرف کے دینی رہنماؤں نے مسلمانوں کی خونریزی کے لیے دوسرے ممالک سے عراق بھیجے گئے سیاہ چمگادڑوں کو ختم کردیا اور امریکی صہیونی منصوبوں پر پانی پھیر دیا، انہوں نے کہا کہ ہمارا خیال تھا کہ الحشد الشعبی خطے میں تبدیلی لانے کے لئے عراقی شیعوں کے ہاتھوں میں ایک آلہ کار ہے لیکن ہمیں احساس ہوا کہ یہ قوتیں خطے کی سلامتی کی ضامن ہیں اور داعش کے وائرس کے پھیلاؤ کو روکتی ہیں۔

واضح رہے کہ گذشتہ روز نجف اشرف کےایک مرجع تقلید آیت اللہ شیخ بشیر النجفی کےبیٹے اور ان کے نمائندہ شیخ علی النجفی نے کیتھولک رہنما سے ملاقات میں آیت اللہ سیستانی کےموقف کا حوالہ دیتے ہوئے کہاکہ آیت اللہ سیستانی صیہونیوں کے ساتھ تعلقات کو بحال کرنے کے تابوت میں آخری کیل مار دی۔