ایرانی حملوں اور غزہ جنگ سے صہیونی ریاست کی 7 بڑی کمپنیوں کو تاریخی مالی نقصان

سچ خبریں:ایرانی میزائل حملوں اور غزہ کی جنگ نے اسرائیل کی سات بڑی اسٹریٹجک اور اقتصادی کمپنیوں کو شدید نقصان پہنچایا جس کا تخمینہ آئندہ 10 برسوں میں 400 ارب ڈالر سے زائد لگایا جا رہا ہے۔

الجزیرہ کی ایک تفصیلی رپورٹ کے مطابق، غزہ پر جنگ اور خاص طور پر ایرانی فوج کے وعدہ صادق 3 آپریشن کے دوران سرزمین‌های اشغالی پر میزائل حملوں کے نتیجے میں صہیونی ریاست کی سات بڑی اسٹریٹجک کمپنیوں اور اقتصادی شعبوں کو غیر معمولی نقصان پہنچا ہے۔

یہ بھی پڑھیں: اسرائیل کی معیشت دیوالیہ ہونے کے دہانے پر

رپورٹ میں بتایا گیا ہے کہ صہیونی ریاست، جو پہلے ہی شدید فوجی بحران سے دوچار ہے، اب اپنی تاریخ کی بدترین اقتصادی صورتحال سے گزر رہی ہے۔ جنگ کے آغاز سے اب تک، اسرائیل کی بڑی کمپنیوں اور اقتصادی اداروں کو کام کی بندش، بیرونی سرمایہ کاری کی کمی، اسٹاک مارکیٹ کے زوال، اور سیاحت، ٹیکنالوجی، توانائی جیسے اہم شعبوں کے مفلوج ہونے جیسے خطرناک چیلنجز کا سامنا ہے۔

اسرائیلی مرکزی بینک کے سربراہ امیر یارون کے مطابق، غزہ پر جاری جنگ نے صہیونی ریاست پر اب تک 67ارب ڈالر کا فوجی و غیر فوجی بوجھ ڈالا ہے۔

امریکی تھنک ٹینک رَینڈ کے اندازے کے مطابق، ایران و غزہ کی جنگ کے نتیجے میں اگلے 10 سالوں میں صہیونی ریاست کو 400ارب ڈالر سے زائد کا مجموعی نقصان ہو سکتا ہے، جس میں 90 فیصد نقصان براہ راست جنگ سے نہیں بلکہ بالواسطہ اثرات جیسے سرمایہ کاری کی کمی، لیبر مارکیٹ میں بحران اور معاشی بدحالی شامل ہیں۔

روزنامہ یدیعوت آحارانوت کی رپورٹ کے مطابق، ایران پر صہیونی حملے اور اس کے ردعمل میں ایران کی جوابی کارروائیوں کے نتیجے میں اسرائیل کو روزانہ ایک ارب ڈالر کا نقصان ہو رہا ہے۔ صہیونی فوج کے سابق مالی مشیر ریم آمیناخ کے مطابق، صرف ابتدائی دو دنوں میں یہ نقصان ۱.۵ ارب ڈالر تک پہنچا۔

 بالواسطہ نقصانات: عوامی خوف اور معیشت کی بندش

ایرانی حملوں کے بعد تقریباً 10ملین اسرائیلیوں کو پناہ گاہوں میں منتقل ہونا پڑا اور متعدد اقتصادی سرگرمیاں مکمل طور پر معطل ہوگئیں، جس سے ملکی معیشت کو فالج کی کیفیت کا سامنا ہے۔

 شدید متاثر ہونے والے 7بڑے صہیونی ادارے:

2. بازان پیٹروکیمیکل کمپنی

بازان گروپ، حیفا میں قائم اسرائیل کی سب سے بڑی پیٹرولیم اور پیٹروکیمیکل کمپنی ہے۔ ایرانی میزائل حملوں نے اس کی ریفائنریوں کو شدید نقصان پہنچایا اور کام مکمل طور پر معطل ہوگیا۔ ویڈیو شواہد میں تباہ کن دھماکے دیکھے گئے ہیں۔

2. شفرون گیس کمپنی

شفرون، تامار اور لیواتان جیسے بڑے گیس میدانوں کو کنٹرول کرتی ہے۔ لیواتان تنہا اسرائیل کی 40٪ گیس پیداوار کا ذریعہ ہے۔ ایرانی حملوں سے لیواتان گیس فیلڈ شدید متاثر ہوئی، جس کی تصدیق اسرائیلی وزارت توانائی اور بلومبرگ نے کی ہے۔

3. انٹیل (کریات گات فیکٹری)

اس فیکٹری میں ہزاروں افراد کام کرتے تھے۔ غزہ جنگ کے دوران اس کے 15٪ ملازمین، جو فوجی ذخیرہ یونٹوں میں تھے، جنگی محاذ پر بھیج دیے گئے، جس سے پیداوار شدید متاثر ہوئی۔

4. العال ایئرلائن

ایران پر صہیونی حملے کے بعد العال کی تمام پروازیں معطل ہو گئیں، بن گوریون ایئرپورٹ اور فضائی حدود بند کر دی گئیں، اور کمپنی کے شیئرز میں 3.5٪ کمی واقع ہوئی۔

5. بیزک گروپ (ٹیلی کمیونیکیشن)

اسرائیل کی سب سے بڑی مواصلاتی کمپنی کو نہ صرف غزہ جنگ میں 14.5ملین ڈالر کا نقصان ہوا بلکہ سائبر حملوں کا بھی سامنا رہا۔ صرف 2023میں 3380سائبر حملے درج کیے گئے، جن سے اسرائیل کو 3.2ارب ڈالر کا نقصان ہوا۔

6. نئی ٹیکنالوجی کمپنیاں

بین الاقوامی سرمایہ کاری میں کمی نے نئی ٹیک کمپنیوں کو زوال کی طرف دھکیل دیا۔ سپیک اور گیسٹ ایم ڈی جیسی کمپنیاں مالی بحران کے باعث بند ہوگئیں۔

7. سیاحتی شعبہ

اکتوبر 2023 سے شروع ہونے والی جنگ کے بعد اسرائیل کی سیاحت سے آمدن میں 3.4ارب ڈالر کی کمی ہوئی۔ وزارت سیاحت کے مطابق، غیرملکی سیاحوں کی آمد میں 90٪ کمی ہوئی ہے۔ ہوٹل انڈسٹری بھی زوال کا شکار ہے، جہاں بعض علاقوں میں صرف 10٪ ہوٹل فعال ہیں۔

مزید پڑھیں: اسرائیل کی معیشت پر الاقصی طوفان کے تباہ کن نتائج

فضائی حدود کی مسلسل بندش کے باعث ہزاروں صہیونی شہری کشتیوں کے ذریعے قبرص کی جانب فرار پر مجبور ہوئے۔