سعودی شہریوں کو کچلنے کے لیے بن سلمان کے ہاتھوں میں صیہونی جاسوس سافٹ وئر

?️ 13 اگست 2021

سچ خبریں:2017 میں اسرائیلی حکومت نے مبینہ طور پر سعودی سکیورٹی فورسز کو انٹیلی جنس کے شعبے میں کام کرنے والی کمپنیوں کے ذریعے وسیع پیمانے پر خدمات فراہم کیں تاکہ مخالفین کی نگرانی اور جاسوسی کی جاسکے۔
اسرائیل i24 ٹی وی نے حال ہی میں اپنی ایک رپورٹ میں انکشاف کیا ہے کہ شمویل بار ایک سابق انٹیلی جنس افسر اور ایک انٹیلی جنس کمپنی کے ڈائریکٹرز میں سے ایک نے فروری 2017 میں سعودی سکیورٹی فورسز کو وسیع خدمات فراہم کیں، صہیونی سکیورٹی کمپنی انٹو ویو – بار کے انتظام کے تحت – جو ورچوئل نیٹ ورکس اور انٹرنیٹ میں ڈکرپشن اور ہیکنگ میں مہارت رکھتی ہے ، ٹویٹر اور فیس بک پر روزانہ 40 لاکھ پوسٹوں کی نگرانی کرتی ہے۔

حال ہی میں یہ انکشاف ہوا ہے کہ دو سال قبل سعودی عرب کے ایک گروپ نے کمپنی سے سائبر سے متعلق معلوماتی سامان خریدنے کے لیے رابطہ کیا اور کمپنی نے اس گروپ کو انٹرنیٹ پر سعودی رائے عامہ کا تجزیہ کرنے کے منصوبے بھی فراہم کیے جو کہ حکمران خاندان سے منسلک تھے ، ان کے مطابق ایک اعلیٰ سعودی عہدیدار اور شخصیت نے ان سے سکائپ کے ذریعے رابطہ کیا اور ممکنہ دہشت گردوں کی شناخت کے لیے ایک منصوبہ تجویز کیا،یادرہے کہ 2012 میں سعودی آئل کمپنی (آرامکو) کے کمپیوٹرز پر سائبر حملے کے بعد ریاض نے اسرائیلی سائبر کمپنیوں سے مطالبہ کیا کہ وہ ان حملوں کے خلاف دفاع کے منصوبے فراہم کریں۔

واضح رہے کہ ریاض کےصیہونی سائبر کمپنی این ایس او سے بھی بہت سے رابطے ہیں اور متعدد رپورٹس سے پتہ چلتا ہے کہ سعودی عرب نے اپنے انٹیلی جنس پروگرام اسی سے خریدے ہیں، فروری 2017 میں ، بلوم برگ نیوز نے اپنی ایک رپورٹ میں کہا کہ اسرائیلی حکومت سعودی عرب کے تمام سائبر معاہدوں میں شامل ہے جو تل ابیب سے باہر رجسٹرڈ کمپنیوں کے ذریعےکیے گئے ہیں۔

اے ایف پی سمیت مغربی میڈیا نے 2016 کے حج سیزن کے دوران انکشاف کیا کہ ایک صہیونی کمپنی بن سلمان کی درخواست پر حجاج کی جاسوسی کر رہی تھی،ذرائع کے مطابق سعودی عرب ایک اسرائیلی کمپنی کے تعاون سے بین الاقوامی کمپنی التصیل کے ذریعے حجاج اور عمرہ زائرین سے اہم معلومات اکٹھا کر رہا ہے جو کہ محمد بن سلمان کے کنٹرول میں ہے۔

اسی سال یہ اطلاع ملی کہ سعودی عرب نے اسرائیلی کمپنی G4S کو اس کے ہوائی اڈوں پر آنے سے لے کر واپسی تک حاجیوں کے استعمال کے لیے سمارٹ بریسلٹ بنانے کی ذمہ داری سونپی ہے۔ یہ کڑا ایک انتہائی جدید ٹیکنالوجی سے لیس ہے جو غیر ملکی جاسوس تنظیموں کو اجازت دیتی ہے جن کے آل سعود کے ساتھ اسٹریٹجک تعلقات ہیں کہ وہ کسی بھی وقت حجاج کے مقام سے آگاہ رہ سکتے ہیں۔