پامسٹ نے اہلیہ کو بتایا آپ کے شوہر کا ایک اور بچہ بھی ہے، یاسر نواز

?️

کراچی: (سچ خبریں) اداکار، پروڈیوسر و ہدایت کار یاسر نواز نے انکشاف کیا ہے کہ ایک بار اہلیہ کے مارننگ شو میں آنے والے ایک پامسٹ نے اہلیہ کو بتایا کہ آپ کےتین جب کہ آپ کے شوہر کے چار بچے ہیں۔

یاسر نواز نے حال ہی میں مزاحیہ پروگرام ’ہنسنا منع ہے‘ میں شرکت کی، جہاں انہوں نے مختلف معاملات پر کھل کر بات کی۔

ایک سوال کے جواب میں یاسر نواز نے انکشاف کیا کہ ڈراموں میں خود سے کم عمر لڑکیوں کے ساتھ رومانس اور شادیاں کروانے کے کرداروں کی پیش کش پر انہوں نے چند ڈراموں میں کام کرنے سے بھی انکار کردیا تھا۔

انہوں نے بتایا کہ نہ جانے کیوں پروڈیوسرز اور ہدایت کار انہیں ڈراموں میں خود سے نصف عمر لڑکیوں کے ساتھ ہیرو کے طور پر دکھاتے ہیں۔

اداکار کا کہنا تھا کہ ان کے ایک بھائی ڈینٹسٹ ہیں جب کہ بہن گھریلو خاتون ہیں، باقی ان کے اور ندا یاسر کے خاندان کے تقریبا تمام افراد شوبز کا حصہ ہیں یا پہلے رہ چکے ہیں۔

ان کے مطابق ان کے والد سمیت ندا یاسر کے والد، والدہ اور دونوں بہنیں بھی شوبز کا حصہ رہی ہیں۔

اداکار نے اہلیہ اور اپنا ایک دلچسپ قصہ سنایا کہ ایک بار ایک خاتون نے ندا یاسر کو ان کی بیٹی سمجھ بیٹھیں اور ان کے ساتھ اداکار کی بیٹی کے طور پر تصاویر بھی بنوائیں۔

یاسر نواز کے مطابق انہیں اور ندا یاسر کو اسلام آباد ایئرپورٹ پر ایک خاتون ملیں، جنہوں نے ان کی اہلیہ کو نہیں پہچانا اور وہ انہیں اداکار کی بیٹی سمجھ بیٹھیں۔

اداکار کا کہنا تھا کہ خاتون نے انہیں پہچانا، ان کے کام اور اداکاری کی تعریفیں کیں اور ان کی اہلیہ کو ان کی بیٹی سمجھ کر ان کے ساتھ تصاویر بھی بنواتی رہیں۔

ایک اور سوال کے جواب میں یاسر نواز نے بتایا کہ کچھ عرصہ قبل اپنے پروگرام میں شوہر کی دوسری شادی کروانے کی بات کہنے پر اہلیہ ان سے چار دن تک ناراض رہیں اور انہیں کہتی رہیں کہ ان کی نیت کیا ہے؟

اداکار کے مطابق انہوں نے اپنے پروگرام میں مذاق میں کہا تھا کہ بیوی کو چاہیے کہ ہر 15 سال بعد اپنے شوہر کی دوسری شادی کروائے لیکن سوشل میڈیا پر ویڈیو وائرل ہونے کے بعد اہلیہ نے ان پر ناراضگی کا اظہار کیا۔

ایک اور سوال کے جواب میں یاسر نواز نے انکشاف کیا کہ ماضی میں وہ سندھ کے چھوٹے قصبے میں ڈرامے کی شوٹنگ کرنے گئے تو وہ تین دن تک ڈاکوؤں کے ساتھ رہے۔

ان کے مطابق انہوں نے شوٹنگ کے دوران وہاں کے لوگوں سے پوچھا کہ سنا ہے یہاں کچے کے ڈاکو آتے ہیں؟ وہ کب آتے ہیں اور کہاں ہیں؟

اداکار نے بتایا کہ ان کے پوچھنے پر ان کے ساتھ رہنے، کھانے اور پینے والے شخص نے انہیں بتایا کہ وہ سامنے نظر آنے والے شخص ڈاکو ہیں، فلاں شخص بھی ڈاکو ہے اور میں خود بھی ڈاکو ہوں۔

یاسر نواز کے مطابق مذکورہ شخص کی جانب سے خود کو ڈاکو قرار دیے جانے پر وہ حیران رہ گئے اور انہیں دیکھ کر خاموشی اختیار کرلی اور انہوں نے مذکورہ ڈاکوؤں کے ساتھ تین دن گزارے۔

ایک اور سوال کے جواب میں اداکار نے بتایا کہ ایک بار ان کی اہلیہ کے مارننگ شو میں ایک پامسٹ آیا، جس نے ان کی اہلیہ کو بتایا کہ ان کے شوہر کا ایک اور بچہ بھی ہے۔

یاسر نواز کا کہنا تھا کہ مارننگ شو کے وقفے کے دوران پامسٹ نے ندا یاسر کا ہاتھ دیکھ کر انہیں بتایا کہ آپ کے تین جب کہ یاسر نواز کے چار بچے ہیں، جس پر ان کی اہلیہ نے پامسٹ سے پوچھا کہ کیا ان کے شوہر کی دوسری شادی ہے؟ جس پر پامسٹ نے کہا شادی نہیں ہے لیکن بچہ ایک اور ہے۔

اداکار کے مطابق پامسٹ کے دعوے پر ان کی اہلیہ کو شک ہوا اور ان سے استفسار کیا کہ ان کا ایک بچہ کس سے ہے؟

یاسر نواز نے بتایا کہ پامسٹ کے دعوے کے بعد ایک بار انہوں نے اپنے فٹنیس ٹرینر کے بچےکے ساتھ تصویر کچھوائی تو ندا یاسر کو شک گزرا کہ وہ بچہ ان کا ہی ہے۔

مشہور خبریں۔

کینیڈا میں اسلام دشمنی کا ایک اور واقعہ

?️ 16 جون 2021سچ خبریں:آج کل جہاں مغربی ممالک میں اسلام دشمنی عروج پر ہے

آئی ایم ایف سے مذاکرات کا نواں دور تاخیر کا شکار

?️ 18 نومبر 2022اسلام آباد:(سچ خبریں) پاکستان اور عالمی مالیاتی فنڈ (آئی ایم ایف) کے

غزہ میں جنگ بندی اتوار کی صبح 8:30 بجے سے نافذ 

?️ 18 جنوری 2025سچ خبریں: قطری وزارت خارجہ کے ترجمان ماجد الانصاری نے اعلان کیا

حکومت کو معاشی بحران تسلیم کرنا چاہیے:پاکستان بزنس کونسل

?️ 10 جنوری 2023سچ خبریں:پاکستان چیمبر آف کامرس نے حکومت سے اقتصادی بحران کے واضح

افغانستان کی تاریخی یادگاروں کو سیلاب سے نقصان

?️ 1 اگست 2022سچ خبریں:   نیمروز کے مقامی ذرائع نے اعلان کیا کہ گزشتہ 20

شوبز میں مشکلات پیش نہیں آئیں، ہر چیز مکھن کی طرح ہوتی گئی، حنا طارق

?️ 30 مئی 2025سچ خبریں: ابھرتی ہوئی اداکارہ حنا طارق نے کہا ہے کہ انہیں

پاکستان اور بھارت دونوں جوہری طاقتیں ہیں، جنگ باہمی خودکشی کے مترادف ہوگی، شاہ محمود قریشی

?️ 5 مئی 2025اسلام اباد: (سچ خبریں) پاکستان تحریک انصاف کے رہنماء اور سابق وزیر

بچوں کے خلاف جنسی حملوں کے بارے میں جرمن پولیس کی چونکا دینے والی رپورٹ

?️ 31 اکتوبر 2023سچ خبریں:جرمنی کی فیڈرل کریمنل پولیس نے پہلی بار اس ملک میں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے