نئی نسل کے مرد و خواتین ایک دوسرے کو کنٹرول کرنے میں مصروف ہیں، سیمی راحیل

اداکارہ کے مطابق میاں اور بیوی کا رشتہ ایسا ہوتا ہے کہ دونوں ایک دوسرے کو موقع دیتے رہتے ہیں۔

سیمی راحیل نے بتایا کہ فوجی افسر کی اہلیہ ہونے کے باوجود ان کے شوہر نے ان سے کبھی ان کے کام کے بارے میں یا گھر تاخیر سے آنے سے متعلق سوال نہیں کیا، دونوں نے ایک دوسرے کے کام کو سمجھا اور گزارا کیا۔

سینیئر اداکارہ نے کہا کہ لیکن نئی نسل میں ان چیزوں اور باتوں کی کمی ہے، وہ ایک دوسرے کو کنٹرول کرنا چاہتے ہیں۔

ان کے مطابق نئی نسل کی خواتین اور مرد دونوں نہ صرف ایک دوسرے بلکہ دوسروں کی زندگی کو بھی کنٹرول رکھنا چاہتے ہیں، ہر کسی کو اپنے قابو میں لانا چاہتے ہیں۔

سیمی راحیل نے کہا کہ نئی نسل کے لوگ نہ صرف دوسروں کی زندگی بلکہ اپنی ذات کو بھی کنٹرول کرنا چاہتے ہیں، وہ فٹنیس کے نام پر ہر وقت جم جاتے ہیں، فاسٹنگ کرتے ہیں اور نہ جانے کیا کیا کرتے ہیں اور یہ کام اپنی ذات کو کنٹرول کرنے کے مترادف ہے۔

اداکارہ کے مطابق اگر کسی کا وزن بڑھ رہا ہے تو اسے خود کو اتنا کنٹرول کرنے کے بجائے غذا کم کھانی چاہیے لیکن وہ اپنی ذات سمیت دوسروں کو کنٹرول کرنا چھوڑ دیں۔

سیمی راحیل نے بتایا کہ پرانے زمانے میں ایسا نہیں ہوتا تھا، نئی نسل کے مرد و خواتین نہ صرف ایک دوسرے بلکہ ہر کسی کو قابو میں رکھنا چاہتے ہیں۔