شادی میں دیر نہیں کرنی چاہئے: ایمن خان

?️ 10 جنوری 2022

کراچی (سچ خبریں) پاکستانی خوبرو اداکارہ ایمن خان کا شادی سے متعلق کہنا ہے کہ شادی کرنے میں دیر نہیں کرنی چاہئے ،  شادی جَلد کر لینی چاہیے، ورنہ بعد میں شادی ہوتی ہی نہیں ہے۔ کیریئر بنانے کی غرض سے شادی کے لیے زیادہ وقت نہیں لینا چاہئے اسی وجہ سے بہت سی اداکارائیں ایسی ہیں جن کی شادیاں نہیں ہوئیں۔

ایمن خان نے حال ہی میں ایک انٹرویو کے دوران دلچسپ سوالوں کے جوابات دیئے ہیں، اس انٹرویو سے لی گئی متعدد مختصر ویڈیوز سوشل میڈیا پر کافی وائرل ہو رہی ہیں جن میں ایمن خان اپنے خیالات کا اظہار کرتی نظر آ رہی ہیں۔

معروف ہدایتکار و میزبان وجاہت رؤف کی جانب سے پوچھے گئے ایک سوال کے جواب میں ایمن خان کا کہنا تھا کہ ’اگر انہوں نے کبھی اپنے شوہر، منیب بٹ کو کسی اور لڑکی کے ساتھ رنگے ہاتھوں پکڑ لیا تو وہ منیب کو اُن کی ہی پستول سے گولی مار دیں گی اور اُس لڑکی کو بھی جان سے ختم کر دیں گی ‘۔

ایمن خان کا اس انٹرویو کے دوران اداکارہ اُشنا شاہ اور ٹک ٹاکر جنت مرزا کو مشورہ بھی دیا گیا جس میں اُن کا کہنا تھا کہ ’اُشنا شاہ کو غصہ کم کرنا چاہیے۔‘ٹک ٹاکر جنت مرزا سے متعلق پوچھے گئے سوال کے جواب میں ایمن خان نے کہا کہ ’جنت مرزا کو میک اپ کم کرنا چاہیے۔‘

شادی سے متعلق سوال کے جواب میں ایمن خان نے کہا کہ ’ اُن کے خیال میں جب وقت ملے تو شادی جَلدی کر لینی چاہیے، شادی کے لیے دیر نہیں کرنی چاہیے۔‘اُن کا مزید کہنا تھا کہ ’اُنہیں ایسا لگتا ہے کہ اگر کیریئر بنانے کی غرض سے شادی کے لیے بہت زیادہ وقت لے لیا جائے تو پھر شادی ہی نہیں ہوتی، پاکستان انڈسٹری میں کتنی ساری اداکارائیں ہیں جو کہ تا حال غیر شادی شدہ ہیں۔