سلمان خان کی کورونا ویکسین سے متعلق اہم ویڈیو

?️ 18 نومبر 2021

ممبئی (سچ خبریں)بالی ووڈ اسٹار سلمان خان نے کورونا ویکسین سے متعلق خصوصی آگاہی ریلیز کی ہے جس میں بھارت میں مسلم کمیونٹی کو کورونا ویکسین لگوانے پر راضی کرنے کے لیےبھارتی ریاست مہاراشٹر کی حکومت کی مدد کرنے کے لیے کہا گیا ہے، کورونا کو روکنے کے لئے ویکسین ہی ایک ہتھیار ہے۔

سلمان خان نے اس ویڈیو میں کہا کہ’ ہم سب ہی جانتے ہیں کہ پچھلے ڈیڑھ سال سے کورونا وائرس نے پوری دنیا میں کہرام مچا کر رکھا ہے، ایک کے بعد ایک کورونا کی لہر آرہی ہے‘۔انہوں نے مزید کہا کہ’ کورنا کو روکنے کے لیے ویکسین ہی ایک ہتھیار ہے‘۔

انہوں نے بھارتی عوام سے اپیل کی کہ’ ویکسین کے بارے میں افواہیں نہ پھیلائیں اور یاد رکھیں کہ ویکسین لگوا کر آپ صرف اپنے آپ کو ہی نہیں بلکہ اپنے خاندان، معاشرے اور ملک کو بھی محفوظ بنائیں میں مدددیں گے‘۔سلمان خان نے درخواست کی سب لوگ جلد سے جلد کورونا وائرس سے بچاؤ کی ویکسین لگوائیں‘۔

واضح رہےکہ گزشتہ روز بھارتی میڈیا رپورٹس میں کہا جارہا تھا کہ مہاراشٹر کی حکومت نے بالی ووڈ اسٹار سلمان خان، اور دیگر مذہبی رہنماؤں سے مسلم کمیونٹی کوکورونا ویکسین لگوانے پر راضی کرنے کے لیے مدد طلب کرلی ہے۔

رپورٹ کے مطابق ، صوبائی وزیر صحت راجیش ٹوپے نے بالی ووڈ اسٹار سے مدد لینے کے اقدام کا اشارہ دیا تھا تاکہ مسلم اکثریتی علاقوں میں کورونا وائرس سےبچاؤ کے لیے لوگوں کو ویکسین لگوانے کے لیے آمادہ کیا جاسکے۔انہوں نے کہا تھا کہ ’مسلم اکثریتی علاقوں میں اب بھی ویکسین لگوانے کے لیےکچھ ہچکچاہٹ ہے‘۔