دوبارہ تعلقات اور محبت کے لیے تیار ہوں، کوئی مناسب ساتھی نہیں مل رہا، محسن عباس حیدر

?️ 14 ستمبر 2024

کراچی: (سچ خبریں) اداکار، ٹی وی میزبان و لکھاری محسن عباس حیدر کا کہنا ہے کہ وہ اس وقت اپنی زندگی کے بہترین دور سے گزر رہے ہیں اور وہ دوبارہ تعلقات استوار کرنے اور محبت کے لیے تیار ہیں لیکن انہیں کوئی نہیں مل رہا۔

محسن عباس حیدر نے حال ہی میں فیصل قریشی کے پوڈکاسٹ میں شرکت کی، جہاں انہوں نے مختلف معاملات پر کھل کر بات کی۔

ایک سوال کے جواب میں انہوں نے بتایا کہ ان سے ٹک ٹاک اور انسٹاگرام پر لڑکیوں کی جانب سے کی جانے والی ڈانس پسند نہیں، وہ پرانے خیالات کے شخص ہیں، اس لیے انہوں نے ماضی میں ٹک ٹاکرز کے حوالے سے سخت بیان دیا تھا۔

ان کے مطابق انہوں نے انسٹاگرام پر فٹنیس پیجز اور فٹنیس کرنے والی شخصیات کو فالو کر رکھا ہے، تاکہ وہ انسٹاگرام کا الگورتھم انہیں ایسی ہی ویڈیوز پیش کرے کیوں کہ ان سے ڈانس ویڈیوز نہیں دیکھی جاتیں۔

محسن عباس حیدر نے کہا کہ ایک بار انہیں کسی بڑی عمر کے شخص نے کہا کہ بیٹا اب شادی دیکھ بھال کر کرنا، کہیں ایسا نہ ہو کہ شادی کے بعد بیوی کو لے کر دوستوں کی محفل میں جاؤ اور وہاں سب دوست آپ کو کہیں کہ وہ آپ کی بیوی کو پہلے سے ہی اچھی طرح جانتے ہیں۔

اداکار نے کہا کہ اب ایسا زمانہ آگیا ہے کہ بہت ساری چیزیں دیکھنی پڑتی ہیں اور حقیقت ایسا زمانا آ چکا ہے۔

محسن عباس حیدر نے مزید کہا کہ اگرچہ وہ اس وقت اپنی زندگی کے سب سے بہترین دور سے گزر رہے ہیں، تاہم اس باوجود انہیں محبت اور تعلقات کے لیے کوئی موزوں شخص نہیں مل پا رہا۔

ان کا کہنا تھا کہ انہوں نے کچھ عرصہ قبل بھی ایک شو میں کہا تھا کہ وہ اس وقت زندگی کے سب سے بہترین دور سے گزر رہے ہیں، ان کی ہر طرف خوشیاں ہیں، سب معاملات بہترین چل رہے ہیں۔

محسن عباس حیدر کے مطابق وہ دوبارہ محبت کرنے اور دوبارہ تعلقات استوار کرنے کے لیے بالکل تیار ہیں لیکن انہیں کوئی مناسب شخص نہیں مل رہا۔

خیال رہے کہ محسن عباس حیدر نے 2015 میں فاطمہ سہیل سہیل سے شادی کی تھی، جن سے انہیں 2019 میں ایک بیٹا ہوا، بعد ازاں ان پر اہلیہ نے گھریلو تشدد اور دوسری خواتین سے ناجائز تعلقات کے الزامات لگائے، جن پر ان کی شادی ختم ہوگئی۔

اہلیہ پر تشدد کے الزامات کی وجہ سے محسن عباس حیدر پر مقدمہ بھی دائر ہوا اور ان کا کیس عدالتوں میں بھی زیر سماعت رہا اور اب انہوں نے پہلی بار کہا ہے کہ وہ دوبارہ محبت اور تعلقات کے لیے تیار ہیں لیکن انہیں موزوں شخص نہیں مل رہا۔